TRENDING:
दासून शनाका भावूक
श्रीलंकेचा कॅप्टन दासून शनाका याने पोस्ट मॅच प्रेझेन्टेशनमध्ये बोलताना भावूक झाला अन् पहिल्यांदा त्याने प्रेक्षकांची माफी मागितली. ही स्पर्धा आमच्यासाठी खूप कठीण राहिली आणि आम्ही चाहत्यांना निराश केले आहे. शाहीन आफ्रिदीने टाकलेली शेवटची ओव्हर निर्णायक ठरली आणि दुर्दैवाने मी मॅच फिनिश करू शकलो नाही, असं म्हणत त्याने नाराजी व्यक्त केली. मी श्रीलंकन फॅन्सला निराश केलं, याचं मला दु:ख होतंय, असंही दासून शनाका म्हणाला.
advertisement
हेड कोच पदावरून निवृत्त
तर दुसरीकडे श्रीलंकेला मोठा धक्का बसला आहे. श्रीलंकेला पुन्हा सोन्याचे दिवस दाखवणाऱ्या हेड कोच सनथ जयसूर्या याने मोठा निर्णय घेतला असून तो आता हेड कोच पदावरून निवृत्त होत आहे. त्याचा कार्यकाळ संपायला अजूनही काही वेळ शिल्लक आहे. पण जर माझ्या जागेवर कुणी दुसरा येण्यास तयार असेल तर मला मोकळं करा, असं जयसूर्या याने श्रीलंका क्रिकेट बोर्डाला कळवलं आहे, अशी माहिती मीडिया रिपोर्टमधून समोर आली आहे.
31 बॉलमध्ये 76 धावांची खेळी
दरम्यान, श्रीलंकेचा कर्णधार दासुन शनाका याने 31 बॉलमध्ये 76 धावांच्या खेळीमुळे एका हरलेल्या सामन्यात श्रीलंकेला जवळपास विजय मिळवून दिला होता. शेवटच्या षटकात संघाला विजयासाठी 28 धावांची गरज होती. शनाकाने पहिल्या 4 चेंडूंवर 3 षटकार आणि 1 चौकाराच्या मदतीने 22 धावा केल्या.