Sanju Samson : मैदानात सव्वा लाख लोक, पण आई पाहू शकली नाही संजूची बॅटिंग, कारण वाचून डोळ्यात पाणी येईल!

टी-20 वर्ल्ड कप जिंकल्यानंतर संजू सॅमसन अहमदाबादमधून थेट त्याच्या घरी तिरुवनंतपूरमला गेला. घरी पाय ठेवताच संजूला त्याच्या आई-वडिलांनी कडकडून मिठी मारली आणि त्याचं घरात स्वागत केलं. संजू जेव्हा घरी आला तेव्हा त्याची आई लिझ विश्वनाथ यांना अश्रू अनावर झाले. मागच्या आठवड्याभरापासून संजूची आई लिझ विश्वनाथ यांच्या छातीमधल्या संसर्गाचा त्रास होत होता, त्यामुळे संजूची आई आणि वडिलांना फायनल पाहण्यासाठी अहमदाबादला जायची इच्छा असूनही जाता आलं नाही.

advertisement

'मी फायनल मॅचवर लक्ष ठेवून होते. संजूला रन करताना पाहिलं, नंतर माझ्या मुलाला प्लेअर ऑफ द वर्ल्ड कप घोषित केलं, हे ऐकून मला आणखी आनंद झाला', अशी प्रतिक्रिया संजूच्या आईने दिली. तब्येत बरी नसल्यामुळे संजूची आई आणि वडील घरातूनच मॅच पाहत होते, तर संजूची पत्नी चारुलता स्टेडियममध्ये होती.

मॅचआधी संजूचा आईला फोन

टी-20 वर्ल्ड कपच्या फायनलआधी संजूने आईला फोन केला होता, तसंच तब्येतीची काळजी घ्यायलाही सांगितलं होतं. फायनल झाल्यानंतर संजू लगेचच घरी आला, घरात पाय ठेवताच संजूने सगळ्यात आधी आई-वडिलांना मिठी मारली आणि त्यांचे आशिर्वाद घेतले.