Virat Kohli : भुवनेश्वर कुमारच्या घातक यॉर्करसमोर कोहली मैदानात कोसळला, नेटसमधला 14 सेकंदाचा धडकी भरवणारा VIDEO

खरं तर विराट कोहली आयपीएल 2026 च्या हंगामासाठी लंडनहून भारतात दाखल झाला आहे.कोहलीने भारतासाठी कसोटी आणि टी20 आंतरराष्ट्रीय क्रिकेटमधून निवृत्ती घेतली आहे.त्यामुळे फॅन्सला त्याला फक्त टीम इंडियासाठी वनडे फॉरमॅट आणि आयपीएलमध्ये खेळताना पाहतील.दरम्यान याच आयपीएलसाठी आता तो रॉयल चॅलेंजर्स बंगळुरूच्या कॅम्पमध्ये पोहोचला आहे.यावेळी नेटसमध्ये सराव करत असताना भुवनेश्वर कुमारच्या एका घातक यॉर्करचा फटका बसल्याने कोहली क्रीजवर तोल गमावून बसला होता. कोहलीचा हा व्हिडिओ सोशल मीडियावर वेगाने व्हायरल होत आहे.

advertisement

भुवीने कोहलीला घातक यॉर्कर टाकला वास्तविक, विराट कोहली सध्या आरसीबीच्या खेळाडूंसोबत सराव करत आहे. तो नेटमध्ये फलंदाजी करत असताना भुवनेश्वर कुमारचा एक घातक यॉर्कर त्याच्या पायाजवळ पडला, ज्याचा तो नीट अंदाज घेऊ शकला नाही. यामुळे त्याचे दोन्ही पाय घसरले आणि तोल गेला. कोहलीच्या फलंदाजीचा आणि भुवीच्या अप्रतिम यॉर्करचा व्हिडिओ सोशल मीडियावर व्हायरल होत आहे.

आयपीएलमधली कामगिरी

विराट कोहलीबद्दल बोलायचे झाल्यास, तो 37 वर्षांचा आहे. त्याने आतापर्यंत आयपीएलमध्ये 267 सामने खेळून 8661 धावा केल्या आहेत. आयपीएलमध्ये सर्वाधिक धावा करण्याचा विक्रमही त्याच्या नावावर आहे. मात्र, गेल्या हंगामात त्याच्या संघाने 18वर्षांत प्रथमच आयपीएलचे विजेतेपद पटकावले. आता, आरसीबी विजेतेपद राखण्याचा प्रयत्न करेल आणि पुन्हा एकदा सर्वांच्या नजरा कोहलीवर असतील.