TRENDING:
मेहनतीमुळे आपण यश मिळवलं पण... - विराट कोहली
आरसीबीने सोशल मीडिया प्लॅटफॉर्म 'X' वर सराव शिबिराचा एक व्हिडिओ शेअर केला आहे. या व्हिडिओमध्ये विराट कोहली आपल्या सहकाऱ्यांना मार्गदर्शन करताना आणि या सीझनमध्ये अधिक मेहनत घेण्याचं आवाहन करताना दिसत आहे. "गेल्या 2-3 वर्षांच्या कठोर मेहनतीमुळे आपण जे यश मिळवलं, ते टिकवून ठेवणं आता अधिक आव्हानात्मक असेल," असं कोहलीनं आपल्या भाषणात म्हटलं आहे.
advertisement
एकही मिनिट वाया घालवायचा नाहीये - विराट कोहली
विराटने खेळाडूंना सतर्क राहण्याचा सल्ला देत म्हटले की, "आपल्याला सरावाचा एकही मिनिट वाया घालवायचा नाहीये. पुढच्या अडीच महिन्यांसाठी प्रत्येकाने आपले 120 टक्के योगदान दिलं पाहिजं. सर्वांच्या चेहऱ्यावरील उत्साह पाहून आपण पुन्हा एकदा चॅलेंजर म्हणून सज्ज आहोत, हे स्पष्ट दिसत आहे.", असंही विराट कोहली यावेळी म्हणाला.
टायटल डिफेन्ड करणं महत्त्वाचं
दरम्यान, चॅम्पियनशीपचं टायटल जिंकण्यापेक्षा टायटल डिफेन्ड करणं महत्त्वाचं असतं, हे विराटला नक्कीच माहिती आहे. आरसीबीने 2025 मध्ये अहमदाबाद येथे झालेल्या फायनलमध्ये पंजाब किंग्सचा 6 रन्सने पराभव करून विजेतेपद पटकावलं होतं. अशातच आता आरसीबीला पुन्हा ट्रॉफी आपल्याकडेच ठेवायची आहे. त्यासाठी विराटसेना आक्रमक प्रहार करताना दिसेल.