फायदे :
- स्टीअरिंग व्हील कव्हर कारच्या इंटीरियरला नवा आणि स्टायलिश लूक देतो. स्टीअरिंग व्हील कव्हर लेदर आणि अन्य अनेक प्रकारात उपलब्ध असतं. त्यामुळे कारला आतून प्रीमिअम लूक मिळतो.
- कव्हरमुळे स्टीअरिंग व्हील सुरक्षित राहतं. त्यावर धूळ आणि घाण जमा होत नाही. कव्हर जुनं झाल्यावर ते सहजपणे बदलता येऊ शकतं.
advertisement
- स्टीअरिंग व्हीलला कव्हर लावलं नाही, तर ते अनेकांना खूप घट्ट किंवा कडक वाटतं. त्यामुळे सॉफ्ट मटेरियलपासून बनलेल्या कव्हरमुळे हातांना आराम मिळतो.
स्टीअरिंग व्हीलचे तोटे :
- कव्हरमुळे स्टीअरिंग व्हीलच्या रिस्पॉन्सवर प्रभाव पडू शकतो. त्यामुळे कार चालवण्यात असहजता जाणवू शकते. त्यामुळे कधी तरी अपघातही होऊ शकतो.
- कव्हरमुळे स्टीअरिंग व्हीलची जाडी वाढते. ज्यांना स्टीअरिंग व्हीलला कव्हर लावून चालवण्याची सवय नाही, त्यांना कव्हर लावून स्टीअरिंग व्हील पकडण्यात अडचण वाटू शकते. त्यामुळे कार चालवण्यात पूर्ण कॉन्फिडन्स वाटत नाही.
स्टीअरिंग व्हीलला कव्हर लावायचं असेल, तर नेहमी उत्तम दर्जाचं कव्हरच निवडावं. कव्हरची जाडी जास्त नसेल, याची काळजी घ्यावी. कव्हर कुठूनही सुटणार नाही किंवा सरकणार नाही, याची काळजी घ्यावी. कव्हरचा आकार योग्य असेल, यावर कायम लक्ष ठेवा.
एकंदरीतच, स्टीअरिंग व्हील हा कारच्या नियंत्रणासाठीचा अत्यंत महत्त्वाचा भाग आहे. त्यामुळे योग्य ती खबरदारी बाळगूनच कव्हर बसवावं.