TRENDING:
नाशिकला जाणं आता होणार सोपं
महामार्गवरील वाहतूकोंडीवर उपाय म्हणून नव्या साकेत उड्डाण पुलाच बांधण्याच आलेला असून तो वाहतूकीसाठी खुला करण्यात आलेला आहे. या नव्या पुलामुळे ठाणेहून नाशिककडे जाणाऱ्या वाहनांना आता काही प्रमाणात दिलासा मिळाला आहे.
मात्र याआधी जुन्या साकेत पुलाची अवस्था खराब झाली होती. पुलाकडे जाणारे अनेक रस्ते अपूर्ण होते आणि मार्गिका अरुंद असल्याने वाहतूक मंदावत होती. विशेषतहा अवजड वाहनांमुळे मोठी कोंडी होत होती. या समस्येबाबत जिल्हा नियोजन समितीच्या बैठकीत लोकप्रतिनिधींनी वारंवार प्रश्न उपस्थित केला होता.
advertisement
जुन्या साकेत पुलाच्या दुरुस्तीला सुरुवात
यानंतर एमएसआरडीसी यांनी नव्या पुलाची तपासणी करून मंगळवारी वाहतूक सुरू केली. मात्र जुन्या पुलाच्या सुरुवातीला रस्त्याचे काम अपूर्ण असल्याने अडथळे अजूनही जाणवत होते. त्यामुळे आता जुन्या पुलाची दुरुस्ती आणि पोहोच रस्त्याचे काम वेगाने सुरू करण्यात आले आहे.
याशिवाय दिवा अंडरपास परिसरात सध्या फक्त दोन लेन सुरू आहेत. मार्चअखेर किंवा एप्रिलच्या पहिल्या आठवड्यात आणखी दोन लेन सुरू करण्याचे नियोजन आहे. हे काम पूर्ण झाल्यानंतर ठाणे-नाशिक मार्गावरील वाहतूक अधिक सुरळीत होईल, अशी अपेक्षा आहे.