TRENDING:
अथांगने सांगितलं की, 5 वर्षांचा असल्यापासून तो ही युद्धकला शिकत आहे. यामध्ये सिंगल काठी, डबल काठी, तलवार, भाला, पट्टा, चक्र अशा अनेक प्रकारच्या शस्त्रकलेचा समावेश आहे. या युद्धकलेचं प्रशिक्षण त्याने पुण्यातील गनिमी कावा शिवकालीन युद्धकला आखाडा याठिकाणी घेतलं आहे. छत्रपती शिवाजी महाराजांच्या पराक्रमाच्या गोष्टी ऐकून ही आवड निर्माण झाली. लहानपणापासून छत्रपती शिवाजी महाराजांसारखी आणि त्यांच्या मावळ्यांसारखी युद्धकला अवगत करायची होती. त्यामुळेच मी युद्धकला शिकण्यास सुरुवात केल्याचंही त्यानं सांगितलं.
advertisement
पालकांच्या प्रयत्नामुळे अथांग युद्धकलेत पारंगत
अथांगच्या पालकांनी त्याला लहानपणापासून छत्रपती शिवाजी महाराजांविषयी पुस्तके आणि व्हिडिओ दाखवायला सुरुवात केली होती. त्यामुळे त्याला लहानपणापासूनच या विषयाची आवड निर्माण झाली. ही आवड लक्षात घेऊन पालकांनी त्याला युद्धकलेचे प्रशिक्षण देण्यास सुरुवात केली. जिद्द, चिकाटी आणि सातत्यपूर्ण प्रयत्नांमुळे तो काही महिन्यातच या युद्धकलेत पारंगत झाला. लहान वयातच त्याने जिल्हास्तरीय 4 सुवर्ण पदके, राज्यस्तरीय 3 सुवर्ण पदके आणि 1 राष्ट्रीय सुवर्ण पदक जिंकले आहेत. त्याशिवाय, 15 हून अधिक पुरस्कारही मिळाले आहेत.