Shiv Jayanti 2026: कलेचा आविष्कार! 35 हजार मीटर दोऱ्याने साकारले शिवराय; पाहा सोलापूरच्या तरुणाचं अनोखं 'स्ट्रिंग आर्ट', Video

सोलापूर: महाराष्ट्राचे आराध्य दैवत छत्रपती शिवाजी महाराज यांची जयंती विविध उपक्रमांतून साजरी केली जाते. सोलापूर शहरातील युवा चित्रकार विपुल मिरजकर यांनी छत्रपती शिवरायांची तब्बल 22 बाय 22 फुटांची भव्य प्रतिमा दोऱ्यापासून साकारली आहे. शिवजन्मोत्सवाच्या पार्श्वभूमीवर ही आकर्षक प्रतिमा शहरातील श्री छत्रपती शिवाजी महाराज चौक येथे महाराजांच्या पुतळ्याजवळ लावण्यात आली असून नागरिकांचे लक्ष वेधून घेत आहे.