इराण अमेरिकेमध्ये सीजफायर, पण होर्मुझचं काय होणार? जगासाठी खुलं होणार की बंदच राहणार?

ट्रम्प यांची ट्रुथ सोशलवरून घोषणा

डोनाल्ड ट्रम्प यांनी त्यांच्या अधिकृत 'ट्रुथ सोशल' अकाऊंटवरून माहिती देताना स्पष्ट केले की, "मी इराणवर सुरू असलेली बॉम्बफेक आणि सर्व प्रकारचे लष्करी हल्ले पुढील दोन आठवड्यांसाठी स्थगित करण्यास सहमती दर्शवली आहे." ट्रम्प यांनी या निर्णयाला एक व्यापक युद्धविरामाच्या दिशेने टाकलेलं पहिलं महत्त्वाचं पाऊल असल्याचं म्हटलं आहे.

advertisement

पाकिस्तानच्या मध्यस्थीला यश

हे युद्ध रोखण्यासाठी पाकिस्तानचे पंतप्रधान शहबाज शरीफ आणि लष्करप्रमुख जनरल आसिम मुनीर यांनी महत्त्वाची भूमिका बजावल्याचे समोर आलं आहे. ट्रम्प यांनी अधिकृतपणे सांगितलं की, पाकिस्तानच्या नेतृत्वाशी झालेल्या सविस्तर चर्चेनंतरच त्यांनी हा निर्णय घेतला आहे. पाकिस्तानच्या या मध्यस्थीचे पंतप्रधान शहबाज शरीफ यांनी स्वागत केले असून, यामुळे प्रादेशिक शांततेचा मार्ग मोकळा झाल्याचे म्हटलं आहे.

होर्मूझसाठी ट्रम्प यांची अट

डोनाल्ड ट्रम्प यांनी हा युद्धविराम स्वीकारताना एक महत्त्वाची अट घातली आहे. इराणला 'होर्मुझची सामुद्रधुनी' (Strait of Hormuz) तात्काळ आणि पूर्णपणे सुरक्षित वाहतुकीसाठी खुली करावी लागेल. ट्रम्प यांच्या मते, "अमेरिका आणि इराण आता ऐतिहासिक शांतता कराराच्या अगदी जवळ आहेत. बहुतेक वादाचे मुद्दे सुटले असून, दोन आठवड्यांचा काळ अंतिम करारासाठी पुरेसा असेल."