डोनाल्ड ट्रम्प प्रशासनाखाली वाढलेल्या व्यापार तणावामुळे हे आयात शुल्क वाढले आहे. या निर्णयानुसार भारतीय वस्तूंवरील आयात शुल्क 50 टक्क्यांपर्यंत वाढले आहे. ज्यामध्ये 25 टक्के मूळ शुल्क आणि भारताच्या रशियन तेल खरेदीमुळे अतिरिक्त 25 टक्के दंड शुल्क समाविष्ट आहे. दंड म्हणून मानले गेलेले हे निर्बंध 27 ऑगस्ट 2025 पासून लागू होणार आहेत.
advertisement
चीनचे परराष्ट्र मंत्री वांग यी यांनी या आठवड्यात भारताला भेट दिल्यानंतर हे वक्तव्य समोर आले आहे. गेल्या महिन्यात एस. जयशंकर यांनी शांघाय कोऑपरेशन ऑर्गनायझेशनच्या (SCO) बैठकीसाठी चीनला भेट दिली होती.
वांग यी यांनी पंतप्रधान नरेंद्र मोदी यांची त्यांच्या 7 लोक कल्याण मार्ग येथील निवासस्थानी भेट घेतली. तसेच त्यांनी दिल्लीत राष्ट्रीय सुरक्षा सल्लागार यांच्यासोबतही बैठक घेतली.
पंतप्रधान मोदींबरोबरच्या भेटीत वांग यांनी त्यांना चीनचे राष्ट्राध्यक्ष शी जिनपिंग यांच्या वतीने या वर्षाच्या अखेरीस तियानजिन येथे होणाऱ्या शांघाय कोऑपरेशन ऑर्गनायझेशन (SCO) च्या नेत्यांच्या शिखर संमेलनासाठी आमंत्रित केले.
शांघाय कोऑपरेशन ऑर्गनायझेशनच्या (SCO) तियानजिन शिखर संमेलनात सहभागी होण्यासाठी पंतप्रधान मोदींच्या चीन भेटीला चीन खूप महत्त्व देतो आणि या शिखर संमेलनाच्या यशासाठी भारताच्या सक्रिय योगदानाची अपेक्षा करतो, असे वांग म्हणाले.