Video: इराण नव्हे इस्रायलवर संतापले डोनाल्ड ट्रम्प; तोंडातून निघाला कधीही न वापरावा असा शब्द

डील झाल्यावर लगेच इस्रायलनं इतका मोठा बॉम्ब वर्षाव केला की, तसा मी आजवर पाहिलाच नव्हता, असं ट्रम्प यांनी संतापून सांगितलं. आम्ही डील केल्यानंतर 12 तास शांतता असेल असे म्हणालो. पण त्यांनी पहिल्याच तासात सगळं टाकून दिलं. त्यामुळे मी इस्रायलवर नाराज आहे. इराणवरही आहे, पण इस्रायलचं वागणं तर अत्यंत बेजबाबदार होतं.

advertisement

भारतातील कोणत्या भागाला म्हणतात ‘छोटं इराण’? देशात आहेत 3 ‘मिनी इस्रायल’

ट्रम्प पुढे म्हणाले, आपल्याकडे दोन देश आहेत जे इतक्या वर्षांपासून आणि इतक्या तीव्रतेनं लढत आले आहेत की त्यांना आता काय करत आहेत याचंच भान राहिलेलं नाही. तरीही ट्रम्प यांनी स्पष्ट केलं की युद्धविराम अधिकृतपणे मोडलेला नाही. पण इस्रायली हवाई हल्ल्यांनी कराराच्या आत्म्याचं उल्लंघन केलं आहे.

यानंतर काही मिनिटांतच ट्रम्प यांनी ‘truthsocial’वर एक फटकाऱ्याने भरलेली पोस्ट केली – ISRAEL. DO NOT DROP THOSE BOMBS. IF YOU DO IT IS A MAJOR VIOLATION. BRING YOUR PILOTS HOME, NOW!

काही वेळानंतर त्यांनी दुसरी पोस्ट करत सांगितले की, इस्रायल आता इराणवर हल्ला करणार नाही आणि सर्व विमानं परत फिरणार आहेत. त्यांनी लिहिलं, ISRAEL is not going to attack Iran. All planes will turn around and head home, while doing a friendly ‘Plane Wave’ to Iran. Nobody will be hurt, the Ceasefire is in effect! Thank you for your attention to this matter!

हा सारा प्रकार पाहता इस्रायल-इराण संघर्ष पुन्हा भडकण्याच्या उंबरठ्यावर आहे. आणि त्यात ट्रम्प यांची भूमिका महत्त्वाची ठरणार आहे.