TRENDING:
अमेरिकेला अडकवण्याची नवी योजना
हूती बंडखोरांनी नवं मोर्चं उघडून आंतरराष्ट्रीय समीकरण अधिकच गुंतागुंतीचं केलं आहे. इराणसमर्थित हूती बंडखोरांनी एडनच्या उपसागरात पलाऊ झेंड्याखालील, युक्रेन मालकीच्या आणि पोलंडद्वारे चालवल्या जाणाऱ्या ‘एम/वी वर्बेना’ या मालवाहू जहाजावर दोन अँटी-शिप क्रूज क्षेपणास्त्र डागले. या हल्ल्यात एक व्यक्ती गंभीर जखमी झाला आहे. अमेरिकेच्या सेंट्रल कमांड (CENTCOM) नुसार, जहाजाचं नुकसान झालं असून त्यात आग लागली आहे. जी नियंत्रित करण्याचा प्रयत्न चालक दल करत आहे.
advertisement
हा हल्ला हूतींच्या त्या रणनीतीचा भाग आहे. ज्यामध्ये ते गाझामधील इस्रायल-हमास युद्धाच्या समर्थनार्थ लाल समुद्र आणि अदनच्या उपसागरात जहाजांना लक्ष्य करत आहेत.
इराणचे ‘प्रॉक्सी’
हूती बंडखोरांना इराणचा प्रॉक्सी (प्रतिनिधी) मानलं जातं. त्यांचा हा हल्ला फक्त एक सैन्य कृती नसून इराणच्या व्यापक कूटनीतीचा भाग असल्याचं दिसतं. सध्या वाढत्या तणावाच्या पार्श्वभूमीवर इस्रायलने इराणच्या अणुठिकाण्यांवर हल्ले केले. त्याला उत्तर देत इराणनेही क्षेपणास्त्र हल्ले केले. अशा स्थितीत हूतींचा हल्ला हा अमेरिका या प्रादेशिक संघर्षात गुंतावा यासाठीचा प्रयत्न मानला जात आहे.
विश्लेषकांचं म्हणणं आहे की, इराण या हल्ल्याद्वारे अमेरिकेचं लक्ष इस्रायल-इराण संघर्षातून हटवून लाल समुद्र व एडनच्या उपसागराकडे वळवू इच्छित आहे.
थेट युद्धात उतरण्याबाबत ट्रम्प संभ्रमात
अमेरिकेचे अध्यक्ष डोनाल्ड ट्रम्प याआधीच स्पष्टपणे सांगितलं आहे की ते इस्रायल-इराण युद्धात उतरणार की नाही, याबाबत निश्चित नाहीत. अशा वेळी हूती बंडखोरांचे हे हल्ले अमेरिकेची सैन्य आणि राजनैतिक शक्ती यमनकडे वळवतील, ज्यामुळे इराणला इस्रायलविरोधात आपली स्थिती मजबूत करण्याची संधी मिळेल.
अमेरिका आणि ब्रिटनने हूती बंडखोरांचे शस्त्रसाठे कमकुवत करण्यासाठी अनेक हवाई हल्ले केले, तरीही हूती हल्ले थांबताना दिसत नाहीत. मार्च महिन्यात ‘एम/वी ट्रू कॉन्फिडेन्स’ या जहाजावर झालेल्या हल्ल्यात तीन नाविकांचा मृत्यू झाला होता, हे त्याचं एक उदाहरण आहे.