पाकिस्ताचा रानटीपणा, महिला निष्पाप मुलांवर हल्ला; भरवस्तीत बॉम्ब टाकू केला क्रूरतेचा कळस, जगभरातून थुथू

कुनार प्रांताचे सार्वजनिक आरोग्य प्रमुख मुजफ्फर मुखलिस यांनी TOLOnews शी बोलताना सांगितले की घटनास्थळावरून एक मृतदेह आणि 15 जखमींना तात्काळ रुग्णालयात दाखल करण्यात आले आहे. जखमींपैकी बहुतांश महिला आणि निरपराध मुले आहेत. यापूर्वीही पाकिस्तानने अफगाणिस्तानमधील एका रुग्णालयावर हवाई हल्ला केला होता, ज्यात सुमारे 400 लोकांचा मृत्यू झाल्याचे सांगितले जाते. त्या रुग्णालयात व्यसनमुक्तीचे उपचार घेत असलेले रुग्ण होते. सध्या संबंधित भागात आपत्कालीन स्थिती जाहीर करण्यात आली असून जखमींचे प्राण वाचवण्यासाठी प्रयत्न सुरू आहेत.

advertisement

पाकिस्तानची खुल्या युद्धाची धमकी

गेल्या दिवशी पाकिस्तानने अफगाणिस्तानविरुद्ध उघड युद्धाची चेतावणी दिली होती. तालिबान सरकारने दावा केला होता की, त्यांच्या सैन्याने सीमापार झालेल्या चकमकीत अनेक पाकिस्तानी सैनिकांना ठार केले आणि काहींना पकडले. यानंतर पाकिस्तानने उघड युद्धाचा इशारा दिला. सोशल मीडियावरील पोस्टमध्ये पाकिस्तानचे संरक्षणमंत्री ख्वाजा आसिफ यांनी म्हटले की, पाकिस्तानच्या संयमाची मर्यादा संपली आहे आणि आता अफगाणिस्तानसोबत उघड युद्ध सुरू आहे.

अफगाणिस्तानवर पाकिस्तानचे एअर स्ट्राइक

दोन्ही देशांदरम्यान सतत चकमकी सुरू आहेत. पाकिस्तानने काबुल, कंधार आणि पक्तिया यांसह अफगाणिस्तानातील अनेक शहरांवर एअर स्ट्राइक केले होते. अफगाण तालिबानचे प्रवक्ते जबीहुल्लाह मुजाहिद यांनी या हल्ल्यांची पुष्टी केली, मात्र त्यात कोणतीही जीवितहानी झाल्याचे नाकारले. दुसरीकडे पाकिस्तानचे गृहमंत्री मोहसिन नकवी यांनी या लष्करी कारवाईला योग्य प्रत्युत्तर असल्याचे सांगितले. त्यांच्या मते अफगाण सैन्याने कथितरित्या पाकिस्तानच्या सीमावर्ती सैनिकांवर हल्ला केल्यानंतर पाकिस्तानने ही कारवाई केली.