जगातील सर्वात 'बोल्ड' ट्रिप, 11 दिवस न्यूड क्रूझचा प्रवास; डेंजर नियम मोडले तर डायरेक्ट...; तिकीटाची किंमत फक्त...

‘बिग न्यूड बोट’ ट्रिप म्हणजे काय?

मियामीमधील बेअर नेसेसिटीज (Bare Necessities) या नग्नतावादी प्रवास कंपनीद्वारे आयोजित ‘बिग न्यूड बोट’ ट्रिप नॉर्वेजियन पर्ल (Norwegian Pearl) क्रूझ शिपवर होणार आहे. ज्यात अंदाजे 2300 पाहुणे सहभागी होण्याची अपेक्षा आहे. या क्रूझवर चढण्यासाठी प्रवाशांकडे वैध तिकीट असण्याव्यतिरिक्त एक अनिवार्य अट अशी आहे की त्यांना प्रवासाच्या बहुतेक वेळेस पूर्णपणे नग्न राहावे लागेल.

advertisement

बेअर नेसेसिटीजच्या मते, या क्रूझ ट्रिपचा उद्देश लोकांना सामाजिक नग्नतेच्या भीतीपासून मुक्त करणे आणि त्यांना सूर्यप्रकाश व समुद्राचा आनंद घेत एक आरामदायक आणि आनंददायी प्रवासाचा अनुभव देणे आहे.

क्रूझ यात्रा कधी सुरू होईल?

‘बिग न्यूड बोट’ क्रूझ 3 फेब्रुवारी 2026 रोजी मियामीहून रवाना होईल आणि 11 दिवसांच्या “बेअर-डाईस” (Bare-dise) प्रवासावर कॅरिबियनमधील अनेक बेटांवर, जसे की बहामासमधील ग्रेट स्टिरप के (Great Stirrup Cay), सेंट लुसिया (Saint Lucia) आणि सेंट मार्टेन (Saint Maarten) येथे प्रवास करेल.

या अनोख्या न्यूडिस्ट अनुभवाव्यतिरिक्त, प्रवाशांना क्रूझवर अनेक मजेदार गोष्टींचा आनंद घेता येणार आहे. ज्यामध्ये एलईडी पार्ट्या (LED Parties), टॅलेंट शो (Talent Shows) आणि मैत्रीपूर्ण क्रीडा स्पर्धेचा समावेश आहे.

नॉर्वेजियन पर्लमध्ये एक बॉलिंग ॲली (Bowling Alley), रॉक क्लायंबिंग वॉल (Rock Climbing Wall), 16 प्रकारचे डायनिंग पर्याय आणि 14 बार आहेत. ज्यात एक व्हिस्की लाउंजचा (Whiskey Lounge) देखील समावेश आहे.

नियम काय आहेत?

क्रूझने आपल्या प्रवाशांचे अभद्र वर्तन आणि सार्वजनिक अश्लीलता रोखण्यासाठी काही नियम निश्चित केले आहेत. प्रवासी समुद्रात किंवा बंदरावर असताना डेक (Deck) किंवा बुफे (Buffet) सारख्या सार्वजनिक ठिकाणी नग्न राहू शकतात. मात्र जेव्हा क्रूझ बंदरावर थांबेल तेव्हा प्रवाशांना कपडे घालणे सक्तीचे आहे.

जहाज बंदरातून निघताच प्रवासी पुन्हा कपडे काढू शकतात. जेवणाच्या खोलीत (Dining Room) जेवण करताना देखील प्रवाशांना कपडे घालणे आवश्यक आहे. याव्यतिरिक्त पूल (Pool) आणि डान्स क्षेत्रात (Dance Area) फोटोग्राफीला परवानगी नाही. तर अयोग्य स्पर्श आणि अश्लील कृत्ये (Inappropriate Touching and Obscene Acts) अशा गोष्टींना परवानगी नाही. अशा प्रकारचे कृत्य कोणी केले तर त्याला यामुळे जहाजातून उतरवले जाऊ शकते.

ट्रिपची किंमत किती आहे?

11-दिवसांच्या राऊंड ट्रिपमध्ये अरुबा (Aruba), बोनेअर (Bonaire), कुराकाओ (Curaçao), जमैका (Jamaica) आणि ग्रेट स्टिरप के या बेटांची यात्रा समाविष्ट आहे आणि याची किंमत प्रति व्यक्ती 2,000 डॉलर (सुमारे 1.6 लाख) पासून सुरू होते.