TRENDING:
ऑस्ट्रेलियातील ही घटना. 47 वर्षांची जोआन एपलबी, तिची 13 वर्षांचा मुलगा ऑस्टिन एपलबी, 12 वर्षांचा मुलगा ब्यू एपलबी आणि 8 वर्षांची मुलगी ग्रेस एपलबी. पर्थमध्ये राहणारं हे एपलबी कुटुंब, समुद्रावर फिरायला आलं होतं. ते पॅडल बोर्डिंग आणि कयाकिंग करत होते. सुरुवातीला सगळं ठिक होतं पण नंतर अचानक वातावरण बिघडलं. जोरदार वारा वाहू लागला, समुद्राच्या लाटा उसळू लागल्या. लाटांचा वेग इतका होता की एपलबी कुटुंब समुद्राच्या आत ढकललं गेलं. काही सेकंदातच संपूर्ण कुटुंब किनाऱ्यापासून काही किलोमीटर अंतरावर वाहून गेलं आणि लाटांमध्ये अडकलं. किनाऱ्यापासून ते बरेच दूर गेले होते. आजूबाजूला मदतीसाठी कुणीच दिसत नव्हतं.
advertisement
अरे बापरे! अवघ्या दीड वर्षांच्या मुलाने 'हल्क'ला गिळलं; रिपोर्ट पाहून डॉक्टरही धक्क्यात
अशा परिस्थिती 13 वर्षांच्या ऑस्टिनने हिंमत केली आणि आपल्या कुटुंबाला वाचवण्यासाठी धडपड सुरू केली. तो कयाकमध्ये बसला आणि मदत मागण्यासाठी थेट समुद्रकिनाऱ्याकडे निघाला. काही अंतरावर गेल्यावर कयाकमध्येही पाणी भरू लागलं, पण ऑस्टिन घाबरला नाही, त्याने हार मानली नाही. त्याने कयाकमधून समुद्रात उडी मारली आणि पोहोत किनाऱ्यावर जायचं ठरवलं. त्याने लाइफ जॅकेट घातलं होतं.
संकटं आली पण घाबरला नाही, हरला नाही
काही अंतर पोहोत राहिल्यावर लाइफ जॅकेट आपल्या पोहोण्यात अडथळा आणत आहे, आपला वेग कमी होतो आहे, असं आपण किनाऱ्यावर वेळेत पोहोचणार नाही हे त्याच्या लक्षात आलं. म्हणून त्याने तेसुद्धा काढून टाकलं. पुढील दोन तास तो तसाच पोहोत राहिला. जोराचा वारा होता, लाटा उसळत होत्या. त्यात अनेक संकटं आली पण ऑस्टिन जराही डगमगला नाही.
मीडियाशी बोलताना ऑस्टिनने सांगितलं, खूप मोठ्या लाटा होत्या, लाइफ जॅकेटही नव्हतं, मी एकच विचार करत होतो फक्त पोहोत राहा, पोहोत राहा. शेवटी मी किनाऱ्यावर पोहोचलो आणि तिथंच कोसळलो."
तब्बल 4 तास 4 किलोमीटर पोहोल्यानंतर तो किनाऱ्यावर पोहोचला, तो इतका थकला होता की आधी किनाऱ्यावरच त्याने आपलं अंग टाकलं. नंतर उठला आणि तिथून धावत जात बचाव पथकाला माहिती दिली.
हे देवा काहीतरी चमत्कार कर! बोलताच मुलासोबत हे काय घडलं? Watch Video
बचावकार्य सुरू झालं. बोट आणि हेलिकॉप्टर मदतीसाठी निघालं. त्याची आई आणि दोन्ही भावंडं किनाऱ्यापासून 14 किलोमीटर अंतरावर सापडले. तिघंही एकाच पॅडलबोर्डला धरून लाटांमध्ये जीवनमृत्यूशी झुंजत होते. रात्री 8.30 च्या सुमारास हेलिकॉप्टरने त्यांचं रेस्क्यू करण्यात आलं.
बचाव पथकाच्या म्हणण्यानुसार, आई थकली होती पण तिने आपल्या मुलांना कवटाळून धरलं होतं. पोलीसजेम्स ब्रॅडली म्हणाले की, तिघांनीही लाईफ जॅकेट घातलं होतं, ज्यामुळे ते बुडाले नाहीत. शिवाय 13 वर्षांच्या मुलाची प्रबळ इच्छाशक्ती त्यांना इतक्या जवळून मृत्यूपर्यंत पोहोचण्यापासून वाचवत होती. बचावानंतर कुटुंबाला रुग्णालयात नेण्यात आलं, जिथं त्यांना प्राथमिक उपचार देऊन घरी सोडलं. बरे झाल्यानंतर संपूर्ण कुटुंब मरीन रेस्क्यू टीमला भेटलं आणि त्यांचे आभार मानले.