TRENDING:
फ्रिज म्हटलं की लाइट बिल आलंच. वारंवार फ्रीज उघडल्याने फ्रीजच्या आतील तापमानावर फरक पडतो आणि फ्रीजला आतील तापमान थंड ठेवण्यासाठी वीजही जास्त लागते. परिणामी लाईट बिल जास्त येतं. पण आता फ्रीजमुळे लाईट बिल वाढण्याचं टेन्शनच नाही. कारण हार्पिक वापरल्याने फ्रिजमुळे जास्त येणारं तुमचं लाइट बिल कमी होईल. आता हे कसं शक्य आहे, त्यासाठी हा व्हिडीओ पाहा.
advertisement
Kitchen Jugaad Video : फक्त 10 मिनिटं फ्रिजमध्ये ठेवा चष्मा; परिणाम पाहून आश्चर्यचकीत व्हाल
तुम्ही पाहिलं असेल अनेकदा फ्रीजचा दरवाजा उघडायला गेल्यावर तो पटकन उघडतो किंवा किंचितसा उघडा राहतो. दरवाजा नीट लागत नाही. ज्यामुळे त्यातील थंड हवा बाहेर पडते. अशा परिस्थितीत फ्रीजला गॅस बनवण्यातही जास्त वीज लागते, त्याच्या कम्प्रेसरवर परिणाम होतो. आता फ्रीजचा दरवाजा नीट न लागण्याचं कारण म्हणजे दरवाजावर असलेला रबर. ज्याला गॅसकीट म्हणतता. तुम्ही नीट पाहाल तर नव्या फ्रीजमधील रबर थोडा फुगीर असतो. पण तो जुना झाला की हा रबर चिकटतो. त्याच्यात घाणही साचते. ज्यामुळे दरवाजा नीट लागत नाही.
त्यामुळे हा रबर स्वच्छ करण्याची गरज आहे. पण तो असा सहजासहजी स्वच्छ होत नाही. त्यामुळे तुम्ही हार्पिकचा वापर करा. एका भांड्यात हार्पिक घेऊन एका जुन्या टुथब्रशच्या मदतीने ते फ्रिजच्या रबरमध्ये घासा. संपूर्ण रबर असा स्वच्छ करून घ्यायचा आहे. यामुळे रबरमध्ये असलेली सर्व घाण स्वच्छ होईल. काही मिनिटांतच रबर नव्यासारखा चकचकीत होईल आणि तुम्ही दरवाजा बंद करून पाहिला तर तो आधीपेक्षा घट्ट लागेल. त्यातील थंड हवा बाहेर येणार नाही आणि फ्रिजला आतील तापमान थंड ठेवण्यासाठी जास्त वीज लागणार नाही. साहजिकच यामुळे तुमचं लाइट बिलही कमी होईल.
Kitchen Jugaad Video - शेगडीवर ठेवा फक्त 2 प्लॅस्टिकच्या बाटल्या; गॅस लवकर संपणारच नाही
सिम्पली मराठी युट्यूब चॅनेलवर हा व्हिडीओ पोस्ट करण्यात आला आहे. तुम्ही हा उपाय करून पाहा आणि त्याचा परिणाम आम्हाला आमच्या सोशल मीडियाच्या कमेंट बॉक्समध्ये नक्की सांगा.
(सूचना - हा लेख सोशल मीडियावरील व्हायरल व्हिडीओवर आधारित आहे. न्यूज18मराठी याची हमी देत नाही.)