Business Idea : 7000 रुपयांनी 1 लिटर विकलं जातंय गाढविणीचं दूध, करा व्यवसाय अन् व्हा करोडपती

गाढविणीच्या दुधाचे महत्त्व

गाढवी खूप कमी दूध देते. तिच्या दुधात अँटिऑक्सिडंट्स असतात. ते अँटी-एजिंगमध्ये उपयुक्त आहे. इतर दुधाच्या तुलनेत गाढविणीचे दूध जास्त काळ सुरक्षित राहते. आजकाल गाढविणीच्या दुधाला खूप मागणी आहे. गाढविणीच्या दुधाच्या एका थेंबाची किंमतही सोन्याच्या बरोबरीची आहे.

गुजरातच्या तरुणाची यशोगाथा

मीडिया रिपोर्ट्सनुसार, धीरेन हे गुजरातच्या पाटणमध्ये नोकरी शोधत होते. पण त्यांना हवी तशी नोकरी मिळाली नाही. यानंतर, धिरेनने उपजीविकेसाठी व्यवसायाची योजना आखली. खूप संशोधनानंतर, त्यांना गाढविणीच्या दुधाचा व्यवसाय करण्याची कल्पना सुचली. यानंतर, त्यांनी त्यांच्या गावात गाढवांचा फार्म उघडला. सुरुवातीच्या टप्प्यात त्यांच्याकडे 20 गाढवे होती. आता त्यांची संख्या 42 पेक्षा जास्त झाली आहे. यामध्ये मादी गाढविणींची संख्या सर्वाधिक आहे. गाढविणीच्या दुधाची मागणी दक्षिण भारतात सर्वाधिक आहे. धीरेन बहुतेक गाढविणीचे दूध कर्नाटक आणि केरळमध्ये पुरवठा करतात. त्यांच्या ग्राहक यादीत अनेक कॉस्मेटिक कंपन्या आहेत, ज्या त्यांच्या उत्पादनांमध्ये गाढविणीचे दूध वापरतात.

गाढविणीच्या दुधातून कमाई

गायी किंवा म्हशीच्या दुधापेक्षा गाढविणीचे दूध अनेक पटीने महाग आहे. एक लिटर गाढविणीच्या दुधाची किंमत सुमारे 5000 ते 7000 रुपये प्रति लिटर आहे. गाढविणीचे दूध केवळ त्वचेसाठीच नव्हे तर आरोग्यासाठीही फायदेशीर आहे. एका संशोधनात असे म्हटले आहे की, गाढविणीच्या दुधात असे पोषक तत्वे आढळतात, जे रक्तातील साखर, रक्त परिसंचरण यांसारख्या अनेक समस्यांवर मात करण्यासाठी खूप फायदेशीर आहेत.

भारतातील व्यवसाय

गेल्या काही वर्षांत भारतात गाढविणीच्या दुधाचा व्यवसाय खूप वाढला आहे. राजस्थान आणि गुजरातसारख्या राज्यांमध्ये अनेक लोक हा व्यवसाय करतात. राजस्थानमध्ये खराणी जातीच्या गाढविणीचे दूध खूप प्रसिद्ध आहे. गुजरातमध्ये हलारी गाढविणीचे दूध मोठ्या प्रमाणात विकले जाते.

हे ही वाचा : जीवनात दु:ख का येतं? सुखाचं दुःखाशी कनेक्शन काय? प्रेमानंद महाराजांनी सांगितलं खरं कारण, जाणून घ्या...