शनीची साडेसाती म्हटलं की भल्याभल्यांना फुटतो घाम! कारण काय अन् काय करावेत उपाय? सविस्तर

कोल्हापूर: शनीची साडेसाती म्हटलं की, भल्याभल्यांना घाम फुटतो. ही साडेसाती खूप अडचणी निर्माण करते, कष्ट करवून घेते, त्रासदायक असते, असा अनेकांचा समज आहे. त्यामुळे शनीच्या साडेसातीला अनेक जण घाबरतात. पण, शनीची साडेसाती म्हणजे नेमके काय? ती किती काळ असते आणि साडेसातीच्या काळात कोणकोणत्या गोष्टींना सामोरे जावे लागते, हे आज लोकल18 च्या माध्यमातून जाणून घेऊया. कोल्हापुरातील ज्योतिष शास्त्री राहुल कदम यांनी याबाबत सविस्तर माहिती दिलीये.

प्रत्येक टप्पा अंदाजे अडीच वर्षांचा असतो.

शनी हा ग्रह न्याय, शिस्त, आणि प्रामाणिकपणाचा प्रतीक आहे. तो लोकांना त्यांच्या कृतींच्या परिणामांचा सामना करून देतो. त्यामुळेच साडेसातीच्या काळात अडचणी, अडथळे, आर्थिक संकटे, आणि मानसिक तणाव यांचा सामना करावा लागू शकतो. परंतु, या अडचणी फक्त शिक्षाच नसून जीवनात सुधारणा घडवणारे महत्त्वाचे धडे असतात.

शनीचे सकारात्मक गुणधर्म: शिस्त, परिश्रम, आत्मसंयम, धैर्य, आणि न्यायाची भावना. हे गुणधर्म शनीमध्ये असतात आणि त्या अनुषंगाने जातकाला शनी फल प्रदान करत असतो.

शनीचे नकारात्मक प्रभाव: विलंब, अडचणी, भीती, आर्थिक अडचणी, आणि मानसिक तणाव.

शनीच्या प्रभावामुळे आपण धैर्य, सहनशक्ती, आणि आत्मपरिक्षण शिकतो. ही अडचणी आपल्या जीवनात नव्या संधींचे दरवाजे उघडतात.

स्वत:शी प्रामाणिक रहा: आपल्या चुकांची कबुली द्या आणि त्यावर सुधारणा करा.

धैर्य ठेवा: अडचणी येतील, परंतु त्यातून शिकण्याचा प्रयत्न करा.

सकारात्मक विचार करा: नकारात्मकतेत अडकण्याऐवजी सकारात्मक गोष्टींवर लक्ष द्या.

संकटांशी लढा: आपल्या भीतीला सामोरे जा आणि हरकत न घेता पुढे जा.

साडेसाती हा आपल्या जीवनातील एक महत्त्वाचा टप्पा आहे. भीती बाळगण्याऐवजी आपल्या कर्मांवर लक्ष केंद्रित करा. कर्मयोगाने, परिश्रमाने आणि प्रामाणिकपणाने या काळाचा सकारात्मक उपयोग करून घ्या. शनीच्या प्रभावाने भीती नाही, तर धैर्याने जीवनात उज्ज्वलता येते, असं ज्योतिषशास्त्री सांगतात.