Trending:

जिल्हा परिषद गट निकाल 2026 LIVE, वैजापुरात मशाल पेटली, ठाकरेंचे चार शिलेदार आघाडीवर, कुणी मारली बाजी

Published by:Ravindra Mane

Last Updated:Feb 09, 2026 10:40 AM IST

Chhatrapati Sambhajinagar ZP Election Result Live: वैजापूर तालुक्यातील जिल्हा परिषद आणि पंचायत समिती निवडणुकीच्या मतमोजणीला सुरुवात होत असून, युती फिसकल्यानंतर निर्माण झालेल्या थेट संघर्षामुळे निकालाबाबत प्रचंड उत्सुकता आहे.

इम्पॅक्ट शॉटतुमचा गेटवे लेटेस्ट न्यूज

वैजापूर तालुक्यात ZP–PS मतमोजणीसाठी राजकीय हालचाली

Chhatrapati Sambhajinagar ZP Election Result Live: वैजापूर तालुक्यातील जिल्हा परिषद आणि पंचायत समिती निवडणुकीच्या मतमोजणीला सुरुवात झाली आहे. युती फिसकटल्यानंतर निर्माण झालेल्या थेट संघर्षामुळे निकालाबाबत प्रचंड उत्सुकता आहे. वैजापूरमध्ये शिवसेना (शिंदे गट) चे आमदार रमेश बोरनारे आणि भाजप–राष्ट्रवादी युतीचे नेतृत्व करणारे डॉ. दिनेश परदेशी यांच्यातील संघर्षामुळे ही निवडणूक तालुक्यातील प्रतिष्ठेची ठरली आहे. निकाल LIVE अपडेट होत आहेत.

सकाळी दहा वाजल्यापासून मतमोजणीला सुरुवात झाली असून पहिल्या अर्ध्या तासात वैजापूर मशाल पेटल्याचं दिसत आहे. वैजापूर तालुक्यात ठाकरे सेनेचे 4 उमेदवार आघाडीवर आहेत. कल्याण गायके, संजय निकम, पद्मबाई शिंदे आणि कल्याणी मिसाळ यांनी आघाडी घेतली आहे.

वैजापूरमधील प्रमुख राजकीय लढत

वैजापूर तालुक्यात शिवसेना–शिंदे गट विरुद्ध भाजप–राष्ट्रवादी युती अशी थेट लढत दिसून येत आहे. नगरपालिका निवडणुकीतील भाजप–राष्ट्रवादी यशानंतर तीच रणनीती जिल्हा परिषदेत राबवण्यात आली असून त्यामुळे सत्ताधारी गटासाठी आव्हान वाढलं आहे.

वैजापूर पंचायत समितीतील हाय होल्टेज लढती

बोरसर, वांजरगाव, शिऊर या तिन्ही गटांमध्ये आमदार रमेश बोरनारे यांचे निकटवर्तीय शिलेदार रिंगणात उतरले असल्याने, भाजप–राष्ट्रवादी युतीने खास रणनीती आखत तगडे उमेदवार उभे केले आहेत. या गटांतील निकाल बोरनारेंसाठी प्रतिष्ठेचे मानले जात आहेत. ग्रामीण भागात बोरनारे गटाचे पारंपरिक वर्चस्व आहे, तर शहरी व निमशहरी भागात भाजप–राष्ट्रवादी युतीला चांगला प्रतिसाद मिळाल्याची चर्चा आहे.