5 ग्रहांचा दुर्मिळ योग! 23 फेब्रुवारीपासून 'या' राशींच्या आयुष्यात होणार मोठी उलथापालथ; तुमच्यासाठी वरदान की वॉर्निंग?

Published by:Manasee Dhamanskar

Last Updated:Feb 09, 2026 3:39 PM IST

ज्योतिषशास्त्रानुसार, फेब्रुवारी 2026 हा महिना खगोलीय घटनांनी गजबजलेला आहे. विशेषतः 23 फेब्रुवारी 2026 हा दिवस अत्यंत निर्णायक ठरणार आहे. या दिवशी धैर्याचा कारक 'मंगळ' कुंभ राशीत प्रवेश करणार आहे.

Mangal Gochar 2026 : ज्योतिषशास्त्रानुसार, फेब्रुवारी 2026 हा महिना खगोलीय घटनांनी गजबजलेला आहे. विशेषतः 23 फेब्रुवारी 2026 हा दिवस अत्यंत निर्णायक ठरणार आहे. या दिवशी धैर्याचा कारक 'मंगळ' कुंभ राशीत प्रवेश करणार आहे. कुंभ राशीत आधीच सूर्य, बुध, शुक्र आणि राहू हे चार प्रबळ ग्रह उपस्थित आहेत. मंगळाच्या आगमनामुळे तिथे 'पंचग्रही योग' निर्माण होणार आहे. एकाच राशीत पाच ग्रहांची ही युती 30 वर्षांनंतर होत असून, याचा प्रभाव संपूर्ण जगावर आणि सर्व 12 राशींवर पडणार आहे. काही राशींसाठी हा काळ 'राजयोगा'सारखा असेल, तर काहींना हा बदल मोठी 'चेतावणी' देणारा ठरू शकतो.

मंगळ-राहूची युती आणि 'अंगारक' योगाचा धोका

23 फेब्रुवारीला मंगळ जेव्हा कुंभ राशीत प्रवेश करेल, तेव्हा तिथे आधीच असलेल्या राहूशी त्याची युती होईल. या संयोगाला 'अंगारक योग' म्हटले जाते. हा योग अत्यंत स्फोटक आणि आक्रमक मानला जातो. मंगळ अग्नी आहे तर राहू हवा, यामुळे अपघातांच्या संख्येत वाढ, लोकांमध्ये संताप आणि राजकीय अस्थिरता निर्माण होऊ शकते. मात्र, सोबत शुक्र आणि बुध असल्याने काही लोकांसाठी हा काळ 'धनशक्ती राजयोग' देखील ठरेल.

पंचग्रही योगाचा राशींवर होणारा परिणाम

मेष - अनपेक्षित प्रगती

मेष राशीसाठी हा योग लाभ स्थानात होत आहे. 6 दिवसांनंतर तुमच्या आयुष्यात सकारात्मक बदल सुरू होतील. जुन्या गुंतवणुकीतून अचानक मोठा नफा मिळेल. मात्र, रागावर नियंत्रण ठेवणे आवश्यक आहे, अन्यथा जवळचे मित्र दूर जाऊ शकतात.

वृषभ - करिअरमध्ये मोठी झेप

तुमच्या दशम भावात 5 ग्रहांची गर्दी होत आहे. नोकरीत बदल करण्यासाठी किंवा नवीन व्यवसाय सुरू करण्यासाठी 23 फेब्रुवारीनंतरचा काळ 'सुवर्णकाळ' आहे. परदेशातून धनलाभाचे योग आहेत.

कुंभ - संमिश्र परिणाम

हा महासंयोग तुमच्याच राशीत होत असल्याने तुमचे व्यक्तिमत्व उजळून निघेल. लोक तुमच्याकडे आकर्षित होतील. पण, राहू आणि मंगळाची युती तुमच्या आरोग्यावर परिणाम करू शकते. रक्तदाब किंवा डोकेदुखीच्या तक्रारींकडे दुर्लक्ष करू नका.

तूळ - प्रेमात आणि आर्थिक बाबतीत यश

तूळ राशीच्या लोकांसाठी हा काळ अत्यंत रोमँटिक असेल. जर तुम्ही सिंगल असाल तर आयुष्यात कोणाचे तरी आगमन होईल. शेअर मार्केटमध्ये विचारपूर्वक केलेली गुंतवणूक फायदा देईल.

सावधानी- वृश्चिक आणि कर्क रास

वृश्चिक आणि कर्क राशीच्या जातकांसाठी हा काळ थोडा आव्हानात्मक असू शकतो. कुटुंबात वादाचे प्रसंग येतील. वाहन चालवताना अत्यंत सावध राहावे. कोणत्याही कागदपत्रावर वाचल्याशिवाय स्वाक्षरी करू नका.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)

view comments