भाजपच्या महिला नेत्याने पोटच्या लेकीला केलं नराधमांच्या हवाली, अनेकदा करवला अत्याचार

तक्रारदाराची पत्नी दोन वर्षांपूर्वी घरगुती वादामुळे तक्रारदारापासून वेगळी झाली. दोघंही विभक्त झाल्यानंतर आरोपी महिलेनं मुलीचा ताबा घेतला होता. पण अलीकडेच मुलगी तिच्या वडिलांकडे महिनाभर राहण्यासाठी आली होती. त्यावेळी वडिलांना तिचं बदललेलं वर्तन लक्षात आलं. त्यांनी पीडितेला विश्वासात घेऊन विचारपूस केली असता तिने घडलेला प्रसंग सांगितला. मुलीवर झालेल्या अत्याचाराची माहिती मिळताच त्यांनी पोलिसांकडे धाव घेतली. पीडितेचे जबाब दंडाधिकाऱ्यांसमोर नोंदवण्यात आले आहेत आणि पोलीस सध्या फरार असलेल्या तिसऱ्या आरोपीचा शोध घेत आहेत.