संबंध ठेवण्यास नकार दिल्याने महिलेची हत्या; मग मृतदेहासोबतच केलं हादरवणारं कृत्य
- Published by:Kiran Pharate
Last Updated:
आरोपी राजेश याने मद्यधुंद अवस्थेत महिलेवर जबरदस्ती करण्यास सुरुवात केली. विरोध करत महिलेनं त्याला चावा घेतला. यामुळे तो संतापला आणि त्याने महिलेचं डोके भिंतीवर आदळलं
देहरादून 02 ऑगस्ट : एक हादरवून टाकणारं प्रकरण नुकतंच समोर आलं आहे. यात एका तरुणाने महिलेची हत्या करून तिच्या मृतदेहावर बलात्कार केला आणि यानंतर मृतदेह कचरापेटीत टाकून फरार झाला. ही घटना उत्तराखंडमधील देहरादूनमधून समोर आली आहे. डस्टबिनमध्ये मृतदेह असल्याची माहिती मिळताच पोलिसांनी घटनास्थळ गाठून तपास सुरू केला. महिलेच्या डोक्यावर आणि पायावर खोल जखमेच्या खुणा आढळल्या.
मारेकऱ्याला पकडण्यासाठी पोलिसांनी परिसरातील सीसीटीव्ही कॅमेरे तपासले आणि 24 तासांच्या आत आरोपीला अटक केली. चौकशीदरम्यान आरोपीने धक्कादायक खुलासे केले, जे ऐकून पोलीसही थक्क झाले. आरोपीने सांगितलं की, त्याने दारूच्या नशेत महिलेची हत्या तर केलीच पण तिच्यावर बलात्कारही केला.
advertisement
पोलिसांनी सांगितलं की, आरोपी राजेश हा देहरादूनमध्ये सुलभ टॉयलेटचा कर्मचारी आहे. रविवारी रात्री रेल्वे स्थानकाजवळील एका दारूच्या दुकानात तो एका महिलेला भेटला. दोघांनी मिळून दारू प्यायली. यानंतर आरोपी तिला आपल्या खोलीत एकत्र बसून दारू पिण्यासाठी घेऊन गेला. जिथे दोघे बसून दारू प्यायले.
यानंतर आरोपी राजेश याने मद्यधुंद अवस्थेत महिलेवर जबरदस्ती करण्यास सुरुवात केली. विरोध करत महिलेनं त्याला चावा घेतला. यामुळे तो संतापला आणि त्याने महिलेचं डोके भिंतीवर तीन ते चार वेळा आदळलं. यानंतर तिच्या डोक्यावर लहान सिलेंडरने वार करून तिची हत्या केली आणि मग तिच्यावर बलात्कार केला.
advertisement
सकाळी जेव्हा आरोपीचे डोळे उघडले आणि नशा उतरली तेव्हा त्याला ती महिला मृतावस्थेत पडल्याचं दिसलं. त्यानंतर मृतदेहाची विल्हेवाट लावण्यासाठी त्याने महिलेचा मृतदेह कचरापेटीत टाकून तिथून पळ काढला.
view commentsLocation :
Uttarakhand
First Published :
Aug 02, 2023 7:40 AM IST
मराठी बातम्या/क्राइम/
संबंध ठेवण्यास नकार दिल्याने महिलेची हत्या; मग मृतदेहासोबतच केलं हादरवणारं कृत्य
