Rajpal Yadav च्या खात्यात नेमकी किती रक्कम जमा? कोणी दिली मदत, कोणी फक्त आश्वासन, पाहा संपूर्ण यादी

5 कोटी रुपयांच्या चेक बाऊन्स प्रकरणात राजपाल यादव यांना 6 महिन्यांची शिक्षा सुनावण्यात आली आहे. 5 फेब्रुवारी 2026 रोजी त्यांनी आत्मसमर्पण केले आणि सध्या ते दिल्लीतील तिहार कारागृहात आहेत. खरंतर ही अडचण आजची नाही. 2010 साली ‘अता पता लापता’ या चित्रपटासाठी घेतलेलं कर्ज व्याजासह वाढत जाऊन आता 9 कोटी रुपयांच्या वर पोहोचलं आहे. एकेकाळी सेटवर गजबजलेला आणि ऊर्जाने भरलेला कलाकार आज शांतपणे या संकटाचा सामना करत आहे.

सोनू सूद यांनी त्यांना आपल्या आगामी चित्रपटासाठी साईन करत काही रक्कम आगाऊ देण्याची तयारी दाखवली आहे. सलमान खान आणि अजय देवगण यांनीही मॅनेजरशी संपर्क साधून कायदेशीर मार्गाने मदत करण्याची चर्चा केली आहे. काही इतर व्यक्तींनीही आर्थिक मदतीची घोषणा केली आहे. मात्र, जाहीर झालेली आणि प्रत्यक्ष खात्यात आलेली रक्कम यात अजूनही तफावत आहे. 9 कोटींच्या तुलनेत जमा रक्कम खूपच कमी आहे.

राजपाल यादव यांच्या जामीन अर्जावर सुनावणी झाली असली तरी न्यायालयाने स्पष्ट केले आहे की आधी दिलेली आश्वासने पूर्ण झाली नाहीत. त्यामुळे कायदेशीर प्रक्रिया पूर्ण होणे आवश्यक आहे. पुढील सुनावणी 16 फेब्रुवारी 2026 रोजी होणार आहे. जर उर्वरित रक्कम भरली गेली किंवा न्यायालयाकडून दिलासा मिळाला, तरच त्यांची सुटका शक्य आहे.