Kalyan News : कल्याण-उल्हासनगर प्रवासात खोळंबा! महत्त्वाचा पूल वाहतूकीसाठी बंद; पर्यायी मार्ग काय?

मिळालेल्या माहितीनुसार, हा पूल 31 मेपर्यंत वाहतुकीसाठी पूर्णपणे बंद राहणार आहे. त्यामुळे वाहनचालकांनी पर्यायी मार्गांचा वापर करावा असे आवाहन कल्याण वाहतूक नियंत्रण शाखेकडून करण्यात आले आहे.

खड़ेगोळवली भागातून विठ्ठलवाडी रेल्वे स्टेशन किंवा श्रीराम चौकाकडे जाणाऱ्या वाहनांनी आता आनंद दिघे उड्डाणपुलावरून सम्राट चौक मार्गे जावे लागेल. स्मशानभूमी चौकाकडे जाणारा मार्ग बंद करण्यात आला आहे. कल्याण पूर्वेतून उल्हासनगरकडे जाणाऱ्या वाहनांनी आनंद दिघे पुलावरून वालधुनी मार्गाचा वापर करावा.

उल्हासनगरहून कल्याणकडे येताना वाहनचालकांनी श्रीराम चौकातून वालधुनी मार्गे आनंद दिघे पुलावरून पुढे यावे लागेल. काही काळ वाहतुकीत बदल राहणार असल्याने नागरिकांनी सहकार्य करावे, असे आवाहन करण्यात आले आहे.