India vs Pakistan : ज्याची भीती होती तेच झालं, टीम इंडियाचा वीक पॉईंट आला समोर, पाकिस्तान तिथंच नस दाबणार

दोन मॅच जिंकल्यानंतर टीम इंडियाचा आगामी सामना येत्या 15 तारखेला पाकिस्तानविरुद्ध होणार आहे. आधी नखरे करणाऱ्या पाकिस्तानला आयसीसीने गुडघ्यावर टेकवलं होतं. अशातच आता दोन्ही देशात सामना खेळवला जाणार आहे.

भारत आणि पाकिस्तान या दोन्ही संघाने टी-ट्वेंटी वर्ल्ड कपमधील दोन्ही सामने जिंकले आहेत. त्यामुळे आता तिसऱ्या सामन्यात काय होणार? असा सवाल विचारला जाऊ लागला आहे.

अशातच श्रीलंकेच्या प्रेमदासा स्टेडियमवर होणाऱ्या सामन्यापूर्वी टीम इंडियाचा वीक पाईंट सर्वांच्या समोर आला आहे. त्यामुळे आता पाकिस्तानला देखील वर्चस्व गाजवण्याची एक संधी मिळेल, अशी शक्यता आहे.

गेल्या दोन्ही मॅचमध्ये दिसून आलंय की, टीम इंडिया स्पिनर्सविरुद्ध कमकुवत झाली आहे. युएसएविरुद्ध आणि नामीबियाविरुद्ध टीम इंडिया स्पिनर्सविरुद्ध अडखळून खेळत होती. त्यानंतर आता पाकिस्तानच्या स्पिनर्सची कसोटी असणार आहे.

पाकिस्तानाविरुद्धच्या सामन्यात स्पिनर्सची भूमिका महत्त्वाची असेल. श्रीलंकेच्या आर प्रेमदासा स्टेडियममध्ये स्पिनर्सने वर्चस्व गाजवलं आहे. त्यामुळे टीम इंडियाचे आणि पाकिस्तानचे स्पिनर्स मॅच फिरवू शकतील.

दरम्यान, टीम इंडियासमोर सर्वात मोठी अडचण म्हणजे पाकिस्तानकडे पाच स्पिनर्स आहेत. त्यात उस्मान तारिक याची बॉलिंग टीम इंडियाचा अडचणीची ठरू शकते. त्यामुळे आता सर्वांचं लक्ष या मॅचवर लागलं आहे.