KDMC: कल्याण डोंबिवलीत पोटनिवडणूक होणार? 28 दिवस गायब झालेले ठाकरे गटाचे नगरसेवक आता कुणाचे?

कल्याण डोंबिवली महापालिकमध्ये ठाकरे गटाचे नगरसेवक बेपत्ता झाल्यामुळे प्रकरण चांगलंच गाजलं होतं. मागील अनेक दिवसांपासून ठाकरे गटाकडून या नगरसेवकांचा शोध सुरू होता. पण, अखेरीस  २८ दिवसानंतर ठाकरे गटाचे तिन्ही नगरसेवक अचानक परतले.  ठाकरे गटाच्या तीन नॉट रिचेबल नगरसेवक आले आणि पहिले कोकण भवनात दाखल झाले. इथं आल्यावर तिघांनी नगरसेवकाची नोंदणी केली.

राहुल कोट, स्वप्नाली केने आणि मधुर म्हात्रे अशी या तिन्ही बेपत्ता असलेल्या नगरसेवकांची नावं आहे. बेपत्ता झाल्यानंतर तिन्ही नगरसेवकांवर ठाकरे गटाने कारवाई केली होती. आता हे तिघे नगरसेवक ठाकरे गटात नाहीत. त्यामुळे केडीएमसीमध्ये आत्ता ठाकरे गटाची नगरसेवक संख्या ८ वर पोहोचली आहे. ठाकरे गटाच्या मशाल चिन्हावर एकूण ११ जण निवडून आले होते. पण, त्यात महापौरपदाची निवड होण्याआधी राहुल कोट, स्वप्नाली केने आणि मधुर म्हात्रे नगरसेवक बेपत्ता झाले होते. आता तिन्ही नगरसेवकांनी नोंदणी केली आहे त्यामुळे ठाकरे गटाचे तीन नगरसेवक नक्की कोणत्या गटात आहे अद्याप अस्पष्ट झालं नाही. शिवसेना ठाकरे गट या तिघांविषयी काय भूमिका घेते हे पाहण्याचं ठरणार आहे.