Body Heat Causes : ताप नसताना शरीरात उष्णता जाणवते का? 'ही' असतात महत्त्वाची कारणं..

Published by:Pooja Jagtap

Last Updated:Mar 19, 2024 4:02 PM IST

Body Heat Causes And Remedy : काही लोकांना आपल्या सभोवतालच्या प्रत्येकापेक्षा जास्त उष्णता आणि हिट जाणवते. मग या उष्णतेची नेमकी कारणं काय आहेत. चला पाहूया सविस्तर महिती.

मुंबई : बऱ्याचदा आपल्या ताप नसतानाही शरीरात उष्णता जाणवते. त्यामुळे आपल्याला अस्वस्थ वाटू शकते. उन्हाळयात तर हा त्रास जास्त वाढू शकतो. त्यामुळे प्रत्येकजण उन्हाळ्यात आपली जास्त घेत असतो. मात्र तरीही काही लोकांना आपल्या सभोवतालच्या प्रत्येकापेक्षा जास्त उष्णता आणि हिट जाणवते. मग या उष्णतेची नेमकी कारणं काय आहेत. चला पाहूया सविस्तर महिती.

ताणतणाव : शारीरिक आणि मानसिक अशा अनेक आजारांच्या मुळाशी तणाव हे कारण असू शकते. हायपोथालेमस हा मेंदूचा एक भाग आहे, जो शरीराचे तापमान नियंत्रित करण्यास मदत करतो. जेव्हा शरीरावर ताण येतो तेव्हा हायपोथालेमस शरीराला उच्च तापमानात रीसेट करतो. जेव्हा शरीर तणावाखाली असते, तेव्हा धड आणि डोक्यात रक्त जमा होऊ शकते, ज्यामुळे तुम्हाला हिट जाणवते.

हायपरथायरॉईडीझम : हायपरथायरॉईडीझममुळेही शरीरात उष्णता वाढते. जेव्हा थायरॉईड ग्रंथी खूप जास्त थायरॉईड संप्रेरक तयार करते तेव्हा ही स्थिती उद्भवते. ज्या लोकांना घामाचा त्रास होतो त्यांना अनेकदा तहान लागते. हायपरथायरॉईडीझमने ग्रस्त असलेल्या लोकांना थकवा, अनियमित मासिक पाळी आणि वजन कमी होण्याची समस्या जाणवते.

रजोनिवृत्ती : रजोनिवृत्ती म्हणजेच मेनोपॉज हा स्त्रियांच्या जीवनाचा एक टप्पा आहे, जो सामान्यतः 45 ते 55 वर्षांच्या आसपास येतो. जेव्हा एखादी स्त्री रजोनिवृत्तीपर्यंत पोहोचते तेव्हा तिच्या अंडाशयातून अंडी सोडणे बंद होते, ज्यामुळे ती गर्भधारणा करू शकत नाही. रजोनिवृत्ती दरम्यान स्त्रियांना हॉट फ्लॅशेस, योनीतून स्राव कमी होणे (कोरडेपणा येणे), हाडांचे प्रमाण कमी होणे, मूड बदलणे, निद्रानाश आणि चिंता हेही त्रास होतात.

मासिक पाळी : महिलांमध्ये विशेषतः मासिक पाळीच्या काळात शरीराच्या उष्णतेची समस्या वाढते. आरोग्याच्या काही समस्या, चुकीचा आहार आणि पर्यावरणीय घटकांमुळेही शरीरातील उष्णतेची समस्या वाढते. ताप नसला तरी शरीराला उष्णतेचा त्रास होत असेल तर हा त्रास कसा कमी करायचा ते जाणून घेऊया.

अशी घ्या काळजी...

मसालेदार पदार्थ, कॅफीन आणि अगदी अल्कोहोल यासारखे खाद्यपदार्थ आणि पेये तुमच्या शरीराचे तापमान वाढवू शकतात. ते तुमची हृदय गती वाढवतात, ज्यामुळे तुम्हाला हॉट फ्लॅशेस, घाम येणे अशा समस्या जाणवतात. बऱ्याच अभ्यासांनी नोंदवले आहे की, मसालेदार पदार्थांमध्ये गरम मिरचीचा समावेश असतो, ज्यामध्ये कॅप्सेसिन भरपूर असते. कॅप्सेसिन हे एक नैसर्गिक रसायन आहे, जे टेस्ट बुडाशी वाढवते आणि शरीराचे तापमान वाढवते, ज्यामुळे तुम्हाला घाम फुटतो.

view comments

Location :

Mumbai,Maharashtra

First Published :

Mar 19, 2024 3:34 PM IST

Body Heat Causes : ताप नसताना शरीरात उष्णता जाणवते का? 'ही' असतात महत्त्वाची कारणं..