Summer Recipe : शरीराला उन्हाचा त्रासच होणार नाही, फक्त प्या हे थंडगार नाचणीचं आंबील! झटपट होतं तयार

नाचणी आपल्या शरीरासाठी खूप पौष्टिक आणि फायदेशीर असते. नाचणी आपण रोज मुलांनाही खायला दिली पाहिजे. पण मुलं नाचणी खायला टाळाटाळ करतात. अशावेळी हे टेस्टी आंबील तुम्ही त्यांना प्यायला देऊ शकता. दुपारच्या कडक उन्हात या थंडगार आंबीलाची चव तुम्हाला खूप प्रसन्न करेल. ही रेसिपी reverseitwithshweta या इंस्टाग्राम अकाउंटवर दिली गेली आहे.

- 1 कप दही

- मीठ, चवीनुसार

- 1 छोटा कांदा

- 1 टेबलस्पून कोथिंबीर

- पाणी

- 1/2 टीस्पून मोहरी

- 1/2 टीस्पून जिरे

- 3/4 टीस्पून आलं

- 1 ते 2 हिरव्या मिरच्या

- कढीपत्ता

- त्यानंतर एका पातेल्यात 2 कप पाणी गरम करा. पाण्याला उकळी आल्यावर त्यात नाचणीच्या पिठाचे मिश्रण घाला.

- हे मिश्रण सततढवळत राहा, म्हणजे यामध्ये गुठळ्या होणार नाहीत

- 4 ते 5 मिनिटानंतर याचं थोडं घट्टसर बॅटर तयार होईल. हे बॅटर पूर्णपणे थंड होण्यासाठी बाजूला ठेवा.

- आता एका भांड्यात दही आणि पाणी घेऊन ते चांगले घुसळून त्याचा ताक घ्या. तुम्ही डायरेक्ट ताकही वापरू शकता.

- या ताकामध्ये नाचणीचं थंड झालेलं बॅटर आणि मीठ घालून पुन्हा चांगलं घुसळून घ्या.

- आता या मिश्रणाला फोडणी देण्याची वेळ आहे. त्यासाठी एका गॅसवर तडका पॅन ठेवा.

- या तडका पॅनमध्ये तूप टाका. तूप गरम झाल्यावर त्यात जिरं, मोहरी, आलं, हिरव्या मिरच्या आणि कढीपत्ता टाकून फोडणी बनवा.

- ही तयार फोडणी ताकाच्या मिश्रणात टाका आणि सर्व काही व्यवस्थित एकत्र करा.

- तुमची इच्छा असल्यास तुम्ही यामध्ये बारीक चिरलेला कांदा घालू शकता. मात्र वरून कोथिंबीर नक्की घाला.

हे नाचणीचं आंबील एक झटपट रेसिपी आहे. पण याचीही चव तुम्हाला उत्तमच लागेल. विशेष म्हणजे उन्हाळ्यात ताक तुम्हाला फ्रेश ठेवेल आणि नाचणी तुम्हाला ताकद देईल. म्हणून हे उन्हाळ्यात आरोग्यासाठी बेस्ट कॉम्बिनेशन आहे. एकदा नक्की ट्राय करा.

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.