Budget Destinations : फिरण्याचा प्लॅन बनवताय? मार्चमध्ये अधिक सुंदर असतात 'ही' ठिकाणं! एकदा नक्की विचार करा

भारतातील काही ठिकाणं मार्चमध्ये फिरण्यासही अगदी बेस्ट आहेत. या काळात या ठिकाणांचे सौंदर्य पाहण्यासारखे असते आणि वातावरणही काहीसे सुसह्य असते. तुमची ट्रिप धार्मिक असो किंवा रोमँटिक, यापैकी एखादे तरी ठिकाण तुम्हाला आवडेलच. चला पाहूया सविस्तर माहिती.

मथुरा-वृंदावन : मार्चमध्ये होळी साजरी केली जाते आणि जर तुम्ही सहलीची योजना आखत असाल तर मथुरा-वृंदावन हे बेस्ट ठिकाण आहे. होळीच्या काळात येथे अनोखे वातावरण असते. मथुरा-वृंदावन वर्षभर गर्दीने भरलेले असले तरी, इथली होळी खरोखरच एक अनोखा अनुभव देते. तुम्हाला या रंगांच्या उत्सवाचा आनंद घ्यायचा असेल तर हे एक बेस्ट ठिकाण आहे.

मुन्नार : मार्चमध्ये दक्षिण भारताचे सौंदर्य आणखी वाढते. या काळात मुन्नारच्या चहाच्या बागा हिरव्यागार होतात. उंचावर धुके आणि फुललेली फुले मुन्नारला एक रोमँटिक ठिकाण बनवतात. तुमचे हनिमून असो किंवा वर्षातली एक रोमँटिक ट्रिप, मार्चमध्ये तुम्ही पार्टनरला घेऊन मुन्नारला नक्की जाऊ शकता. येथील तापमान 15°C ते 25°C पर्यंत असते, ज्यामुळे ते ट्रेकिंगसाठी आदर्श बनते.

उदयपूर : मार्च हा राजस्थानच्या राजेशाही जीवनाचा अनुभव घेण्यासाठी सर्वोत्तम काळ आहे. या महिन्यात होळी आणि गणगौर मोठ्या थाटामाटात साजरे केले जातात. तलावांचे शहर मानले जाणारे उदयपूर मार्चमध्येही गार असते. आणि उन्हाचा फारसा त्रास होत नाही. संध्याकाळी पिचोला तलावावर बोटिंग करताना सनसेट पाहता येतो. यामुळे तुमची सहल आणखी रोमँटिक आणि गोड होऊ शकते.

झिरो व्हॅली : जर तुम्हाला एक नवीन आणि अनोखा अनुभव हवा असेल, तर अरुणाचल प्रदेशातील झिरो व्हॅलीला जा. इथली हिरवळ, भातशेती आणि संस्कृती तुम्हाला मोहून टाकेल. शांत आणि सुंदर अनुभवासाठी हे ठिकाण मस्ट व्हिजिट आहे.

वाराणसी : तुम्हाला शांतता आणि समाधान अनुभवायचे असेल तर तुम्ही उत्तर प्रदेशातील वाराणसीला जाऊ शकता. येथे तुम्हाला खर्चही जास्त लागणार नाही. अस्सी घाटाजवळील एका साध्या आणि स्वस्त गेस्टहाऊसमध्ये राहू शकता, कचोरी आणि भाजीसह नाश्त्याचा आनंद घेऊ शकता आणि जुन्या शहराच्या अरुंद रस्त्यांवर भटकताना शांतता अनुभवू शकता.इथे गेल्यास एकदा काशी विश्वनाथ मंदिराला नक्की भेट द्या.

ऋषिकेश : ऋषिकेशचा लक्ष्मण झुला पाहण्याची इच्छाच प्रत्येकाचीच असते. मार्चमध्ये तुम्ही ऋषिकेश सहलीची योजना आखू शकता. गंगा नदीच्या काठावरील दृश्य शांतता आणि समाधान देते. जर तुम्हाला अडव्हेंचर्स अ‍ॅक्टिव्हिटीज आवडत असतील तर तुम्ही ऋषिकेशमध्ये राफ्टिंगचाही आनंद घेऊ शकता.

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.