पितळेच्या वस्तू वाढवतील घराची शोभा, इथं आहे सर्वात स्वस्त मार्केट

विशेष म्हणजे इथे तुम्हाला दिव्यांमध्ये भरपूर असे प्रकार बघायला भेटतात. यामध्ये समई देखील आहेत. विविध प्रकारच्या समई, दिवे या ठिकाणी उपलब्ध आहेत. यात पेशवाई समई, केरला समई, काशी केरला मोर डिझाईन असलेली समई आदी प्रकारच्या समई या ठिकाणी मिळतील. पाच इंचांपासून ते सात फुटांपर्यंतचा समई या ठिकाणी मिळेल. तर दिव्यांमध्ये प्याली दिवा, गणपती दिवा, लक्ष्मी दिवा, माणिक दिवा हे सुद्धा दिव्याचे प्रकार येथे उपलब्ध आहेत. हे दिवे तुम्ही पंचवीस रुपयांपासून ते पंचवीस हजार पर्यंत खरेदी करू शकतात.

घरामध्ये लागणारा शोच्या वस्तू येथे भरपूर उपलब्ध आहेत. त्यामध्ये विंटेज कार, वेगवेगळ्या मुर्त्या, घरात लागणारे लटकन वगैरे सगळं तुम्हाला इथे भेटून जाईल. ते नगावर किंवा किलो वर सुद्धा खरेदी करू शकता. तसंच शोसाठी लागणारे हत्ती दोनशे ग्रॅम पासून ते 200 किलो उपलब्ध आहेत. आमच्याकडे तुम्हाला सर्व प्युअर पितळेच्या वस्तू भेटतील. विशेष म्हणजे आमच्याकडे शोसाठीचा भरपूर वस्तू उपलब्ध आहेत. ज्या खूप जुन्या असून कुठेही भेटणार नाहीत. त्या तुम्ही नक्कीच खरेदी करू शकता, असे विक्रेत्या संगिता पातुरकर सांगतात.