लसणाची साल टाकून देताय? निरुपयोगी सालीचे आहेत आश्चर्यकारक फायदे, असा करा वापर, Video

कोल्हापूर : फळभाज्यांमधील बऱ्याचशा भाज्यांची साल ही काढून टाकली जाते. मात्र प्रत्येक सालीमध्ये असणारे बरेचसे गुणधर्म हे शरीरासाठी उत्तमच असतात अशाच प्रकारे लसूण या कांद्याच्या परिवारातील कंदमुळाच्या सालीचे देखील शरीरासाठी अनेक गुणकारी उपयोग आहेत. मात्र हे फायदे कित्येकांना ठाऊकच नसतात. त्यामुळे आयुर्वेद तज्ज्ञ असलेल्या कोल्हापुरातील डॉक्टर अनिल कुमार वैद्य यांनी याबाबत माहिती दिली आहे.

आपल्याकडे प्रत्येक घरात लसणाची साल ही कचऱ्याच्या टोपलीतच जात असते. लसणाच्या पाकळ्यांचा वापर हा पदार्थांची चव वाढवण्यासाठी केला जातो. मात्र त्याच सोबत लचणाची साल देखील उपयोगात आणली जाऊ शकते. या लसणाच्या सालीचे अनेक आयुर्वेदिक फायदे आहेत, असे अनिलकुमार वैद्य यांनी सांगितले.