प्रसूतीसाठी खर्च किती? पुण्यातील दीनानाथ मंगेशकर रुग्णालय प्रकरणानंतर उपचारांच्या दरांवर प्रश्नचिन्ह! Video

पुणे : पुणे शहरातील दीनानाथ मंगेशकर रुग्णालयावर गंभीर आरोप झाले आहेत. भाजपचे आमदार अमित गोरखे यांचे स्वीय सहायक असलेले सुशांत भिसे यांच्या पत्नी तनिषा सुशांत भिसे यांचा मृत्यू झाला. त्या प्रकारावरुन मंगेशकर रुग्णालय प्रशासन अडचणीत आले आहे. प्रसूतीसाठी लागणाऱ्या उपचारांवरील खर्च आणि त्यात झालेल्या आर्थिक गैरप्रकारांमुळे नागरिकांमध्ये संतापाची लाट उसळली आहे. विशेषतः पुण्यातील दीनानाथ मंगेशकर रुग्णालयातील प्रकरणानंतर या मुद्द्याकडे सर्वांचे लक्ष वेधले गेले आहे. आज खासगी रुग्णालयांमध्ये सामान्य प्रसूतीसाठी सुमारे 50 हजार रुपये ते सिझेरियनसाठी दीड लाख रुपये पर्यंत खर्च येतो. काही ठिकाणी ही रक्कम यापेक्षाही अधिक आहे.