एका दिवसात किती बिअर पिऊ शकतो? डॉक्टरांनीच सांगितलं योग्य प्रमाण

नवी दिल्लीतील सर गंगाराम हॉस्पिटलचे इन्स्टिट्यूट ऑफ लिव्हर गॅस्ट्रोएंट्रोलॉजिस्ट अँड पँन्क्रियाटिको बिलियरी सायन्सेसचे अध्यक्ष डॉ. अनिल अरोरा यांनी न्यूज 18 ला सांगितलं की, `जेव्हा अल्कोहोल लिव्हरमध्ये पोहोचते, तेव्हा लिव्हर ते फिल्टर करते. यावेळी लिव्हरमधील काही पेशींचे नुकसान होते. लिव्हरमध्ये नवीन पेशी निर्मितीची क्षमता असते. त्यामुळे काही वेळातच नवीन पेशी तयार होतात. पण सातत्याने जास्त प्रमाणात अल्कोहोल घेतल्यास लिव्हरची नवीन पेशी निर्मिती करण्याची क्षमता कमी होते आणि लिव्हर खराब होते. अल्कोहोलमुळे लिव्हरचे अनेक विकार होतात.

जागतिक आरोग्य संघटनेच्या अहवालानुसार, शरीरासाठी अल्कोहोलचा एक थेंब देखील सुरक्षित नाही. अल्कोहोलच्या पहिल्या थेंबापासून कॅन्सरसारख्या गंभीर आजाराचा धोका वाढू शकतो. दारू आणि बिअरमध्ये अल्कोहोल मिसळले जाते. हा एक विषारी पदार्थ असून त्यामुळे आरोग्यावर गंभीर दुष्परिणाम होतो. इंटरनॅशनल एजन्सी फॉर रिसर्च ऑन कॅन्सरने अल्कोहोलचा समावेश ग्रुप 1 कार्सिनोजेनमध्ये केला होता. कार्सिनोजेन हा कॅन्सर निर्माण करणारा घटक आहे. डब्ल्यूएचओनुसार, लोकांनी अल्कोहोल टाळला पाहिजे.