Cancer : दैनंदिन जीवनातील या चुकांमुळे होऊ शकतो कॅन्सर! तज्ज्ञांनी सांगितले खबरदारीचे उपाय

तज्ज्ञांच्या मते, जे लोक धूम्रपान, दारू किंवा कोणत्याही नशेच्या पदार्थांचे सेवन करतात अशा लोकांना कॅन्सर होण्याचा धोका जास्त असतो. धूम्रपान आणि दारू प्यायल्याने लिव्हर आणि ब्रेस्ट कॅन्सरचा धोका वाढू शकतो. तेव्हा कॅन्सर कोण कोणत्या कारणामुळे होऊ शकतो आणि त्यापासून वाचण्यासाठी आहारात कोणत्या पदार्थांचे सेवन करायला हवे याविषयी माहिती करून घ्या.

झोपेची कमतरता : तज्ञ सांगतात की, अनेकजण विविध कारणांमुळे झोप कमी घेतात, त्यामुळे कॅन्सरचा धोका वाढू शकतो. अशावेळी तुम्ही कितीही बिझी असाल तरी कमीतकमी 7 ते 8 तासांची झोप घेणे आवश्यक आहे. तसेच जे लोक शारीरिक दृष्ट्या ऍक्टिव्ह नाहीत अशांना कॅन्सर होण्याचा धोका अधिक वाढतो. तेव्हा वेळातवेळ काढून तुम्ही दररोज योगा, एक्सरसाईज करायला हवी.

प्लास्टिक : तज्ज्ञ सांगतात की, कॅन्सर होण्याची अनेक कारण आहेत आणि त्यापैकीच एक म्हणजे प्लास्टिकच्या बॉटलमधून पाणी पिणे. प्लास्टिक बॉटलमध्ये ठेवलेल्या पाण्यामध्ये माइक्रो प्लास्टिक आढळतात. अनेकजण गरम चहा पिण्यासाठी प्लास्टिक किंवा कागदाच्या कपांचा वापर करतात. परंतु प्लास्टिकच्या वस्तूमधून पाणी किंवा कोणत्याही द्रव पदार्थाचे सेवन केल्याने शरीरात माइक्रो प्लास्टिक जातात आणि त्यामुळे कॅन्सरचा धोका उद्भवू शकतो. टी बॅगच्या वापरामुळे देखील कॅन्सरचा धोका वाढू शकतो. कारण यामध्ये एपिक्लोरो हाइड्रिन नावाचे रसायन असते जे गरम पाण्यात मिक्स होते आणि शरीरात पोहोचते. हे रसायन आरोग्यासाठी धोकादायक ठरू शकते.