Winter Recipe: अनेक आजार गायब करतील जवसाचे लाडू, हिवाळ्यात बनवा आरोग्यदायी रेसिपी

एक वाटी जवस, अर्धा वाटी अक्रोड, अर्धा वाटी खजूर, एक वाटी गूळ, दोन चमचे पंपकिन सीड, एक चमचा खसखस आणि थोडसं तूप एवढे साहित्य लागेल. जवस, अक्रोड आणि पंपिंग सीड यामध्ये ओमेगा थ्री हे मोठ्या प्रमाणात असतं आणि ते आपलं कोलेस्ट्रॉल नियंत्रणात ठेवण्यासाठी मदत करतं.

सर्वप्रथम एक वाटी जवस चांगल्या रीतीने भाजून घ्यायचा आहे. त्यानंतर थोडसं तूप टाकून अक्रोड भाजायचं आणि पंपिंग सीड देखील भाजून घ्यायच्या. त्यानंतर थोडसं तूप टाकून खजूर देखील चांगल्या प्रकारे भाजून घ्यायचं. आता हे भाजून घेतलेले साहित्य एका मिक्सरच्या भांड्यामध्ये टाकून बारीक करून घ्यायचं. एका पॅनमध्ये थोडसं पाणी घालायचं आणि त्यामध्ये गूळ टाकून घ्यायचा गुळ व्यवस्थित रित्या पातळ करून घ्यायचा आणि त्यानंतर त्यामध्ये एक चमचा खसखस टाकायची. हे सर्व व्यवस्थित भाजून घ्यायचं.

जवस हे आरोग्यासाठी अत्यंत लाभदायी मानलं जातं. त्यामुळे हिवाळ्यात आवर्जून जवस खाण्याचा सल्ला दिला जातो. जवसात फायबरचं प्रमाण अधिक असतं. त्यामुळे ते हाय कोलेस्ट्रॉलला नियंत्रित करण्याच काम करतं. तसेच जवस वजन कमी करण्यासाठी देखील लाभदायी आहे. हिवाळ्यात सातत्याने भूक लागते. अशावेळी जवसाचे लाडू उत्तम पर्याय ठरतात.