कास पठार पाहण्यासाठी निघालात? वाहतूक मार्गात केलाय 'हा' महत्त्वाचा बदल, जाणून घ्या नवीन मार्ग

Published by:Arjun Nalavade

Last Updated:Sep 13, 2025 8:31 AM IST

Kaas Pathar : जागतिक वारसास्थळ म्हणून ओळखल्या जाणाऱ्या कास पठारावर फुलांचा हंगाम सुरू झाला आहे. या हंगामात होणारी वाहतूक कोंडी टाळण्यासाठी प्रशासनाने...

Kaas Pathar : जागतिक वारसास्थळ म्हणून ओळखल्या जाणाऱ्या कास पठारावर फुलांचा हंगाम सुरू झाला आहे. या हंगामात होणारी वाहतूक कोंडी टाळण्यासाठी प्रशासनाने महत्त्वाचा निर्णय घेतला आहे. शनिवारपासून 31 ऑक्टोबरपर्यंत कास पठारावर एकेरी वाहतूक व्यवस्था लागू करण्यात आली आहे. पोलीस अधीक्षक तुषार दोशी यांनी याबाबतचे आदेश काढले आहेत.

वाहतुकीचा नवीन मार्ग

सुट्ट्यांच्या दिवशी कास पठारावर पर्यटकांची मोठी गर्दी होते. त्यामुळे वाहतूक कोंडी ही नित्याची समस्या बनली होती. ही कोंडी टाळण्यासाठी साताऱ्याकडून कास पठार आणि बामणोलीकडे जाणारी वाहने कास पठार आणि कास धरणावरून बामणोलीकडे जातील.

परत येण्याचा मार्ग

बामणोली आणि कास धरणाकडून साताऱ्याकडे येताना वाहनांना वेगळा मार्ग वापरावा लागणार आहे. ही वाहने बामणोली-कास धरणाच्या बाजुने घाटाई देवी मंदिर-घाटाई फाटा मार्गे साताऱ्याकडे परत येतील. या काळात वाहतूक नियंत्रणासाठी पोलीस बंदोबस्तही ठेवण्यात येणार आहे, ज्यामुळे पर्यटकांना वाहतूक कोंडीचा त्रास होणार नाही.

बामणोलीकडे जाताना असे जा...