Tulsi Plant Care : तुळशीची पान काळी पडू लागलीयेत? वापरा 3 टिप्स तुळस होईल हिरवीगार

तुळशीची पाने काळी पडण्यामागे अनेक कारण असू शकतात. यापैकी एक कारण म्हणजे झाडाला कीड लागणे. झाडाला लागलेली कीड अनेकदा लगेच तुमच्या डोळ्यांना दिसून येत नाही कारण ती मातीच्या आत देखील असू शकते. कीड लागल्यामुळे देखील तुमच्या झाडाची पाने काळी पडू शकतात. जर मातीत कीड असेल तर सर्वात आधी मातीपासून जवळ असलेली पाने काळी पडू लागतात. तेव्हा जर तुमच्या तुळशीच्या रोपावर असे काही बदल जाणवले तर तुम्ही होममेड कीटनाशकांचा वापर करू शकता. तसेच काळी पडलेली पाने तोडून टाका.

तुळशीच्या रोपाची पान काळी होण्यामागे पाण्याची कमतरता हे देखील कारण असू शकते. कमी किंवा जास्त पाणी रोपाला नुकसान पोहोचवू शकते, ज्यामुळे पान काळी पडू लागतात. तेव्हा तुळशीच्या रोपाची माती ओली होईल इतकेच पाणी तुळशीला टाका. जास्त पाणी टाकल्याने तुळशीची मूळ जास्त काळ ओली राहून सडतात आणि हळहळू रोप पिवळे पडू लागते. तेव्हा रोपाला पाणी टाकण्यापूर्वी जमिनीतील ओलावा तपासण्यासाठी बोटांचा वापर करू शकता. बोट जर सहज मातीत जात असेल तर रोपाला पाणी देऊ नका.