Nagpur: लोन फेडण्यासाठी जयरामने 2 महिन्यांपासून कट रचला, 14 वर्षांच्या अथर्वचं अपहरण केलं आणि...

पोलिसांनी CCTV आणि ड्रोन फुटेजच्या आधारे शोध सुरू केला. मात्र दोन दिवस उलटूनही काहीच धागा लागला नाही. दरम्यान, मुलगा सापडत नसल्याने नागरिकांनी रास्ता रोको आंदोलनही केलं. दोन दिवसांनी भरतवाडा परिसरात एका तरुणाचा मृतदेह हातपाय बांधलेल्या अवस्थेत आढळून आला. तपासात हा मृतदेह अथर्वचाच असल्याचं स्पष्ट झालं.

अथर्वचा मृतदेह सापडल्यानंतर कुटुंबीयांना धक्का बसला. पोलिसांनी या प्रकरणी सगळ्या बाजूने तपास सुरू केला.  या प्रकरणातला सर्वात धक्कादायक खुलासा म्हणजे अथर्वचा अपहरणकर्ता दुसरा कोणी नसून त्याचाच मित्र जयराम गोपाल यादव (वय १९ वर्ष) हा मुख्य सूत्रधार निघाला. तर केतन रमेश साहू (वय २२ वर्ष) आणि आयुष मोहन साहू (वय १९ वर्ष) या दोघांनी त्याला साथ दिली. अथर्वच्या वडिलांकडे पैसे असल्याची माहिती  जयरामला होती. त्यामुळे त्याने  ४० ते ५० लाखांच्या खंडणीसाठी हा कट गेल्या दोन महिन्यांपासून रचला गेला होता. घराच्या बांधकामासाठी घेतलेलं कर्ज फेडण्यासाठी आरोपींनी हा गुन्हा केल्याची कबुलीही दिली आहे.