Ahilyanagar Accident: दोन दिवसांपूर्वी नवी कोरी अलिशान कार घेतली, देवदर्शनाला जाताना चौघांचा मृत्यू

हरिष दिमोटे, प्रतिनिधी अहिल्यानगर: दोन दिवसांपूर्वी नवी कोरी कार घरात आली. कुटुंबात आनंदाचं वातावरण होतं. तिच नवीन कार घेऊन देवदर्शनाला जाण्याचा प्लॅन ठरला. साईबाबांच्या दर्शनाला जाऊ आणि मगच कार वापरू' ठरल्याप्रमाणे सकाळी लवकर उठून सगळ्यंनी आवरलं आणि निघाले, प्रवास अगदी आनंदात सुकर सुरू होता आणि पुढच्याच क्षणी भयंकर घडलं. कुणाला ठाऊक होते, की ज्या आनंदासाठी ही गाडी घेतली, तीच गाडी त्यांच्या आयुष्याचा शेवटचा प्रवास ठरेल? बुधवारी सायंकाळी खंडाळ्याजवळ झालेल्या एका भीषण अपघातात चव्हाण कुटुंबातील चौघांचा जागीच मृत्यू झाला, तर दोन चिमुकले आणि एक महिला मृत्यूशी झुंज देत आहे.