पिसाळलेल्या कुत्र्याचा दोन वर्षांच्या चिमुकलीवर हल्ला, हादरवून सोडणारा CCTV व्हिडिओ

सिद्रा इसरार शेख (वय २ वर्षे) ही लहान मुलगी या हल्ल्यात गंभीर जखमी झाली असून, तिला तात्काळ Civil Hospital Ahmednagar येथे दाखल करण्यात आले आहे. सध्या तिच्यावर उपचार सुरू आहेत.

घटनेचा CCTV व्हिडिओही समोर आला असून सोशल मीडियावर तो वेगाने व्हायरल होत आहे. या घटनेमुळे परिसरात भीतीचे वातावरण निर्माण झाले आहे. नागरिकांकडून भटक्या कुत्र्यांवर नियंत्रण आणण्याची मागणी जोर धरत आहे.

[video width="1600" height="900" mp4="https://images.news18.com/news18marathi/uploads/2026/02/dogattack-1-2026-02-f9a69c10e4e1619269883c1a7c0a2d87.mp4"][/video]

महापालिका प्रशासनाने तत्काळ कारवाई करावी, अशी स्थानिकांची मागणी आहे. स्थानिक नागरिकांनी महापालिकेकडे मोकाट कुत्र्यांचा बंदोबस्त करावा या मागणीचे वेळोवेळी निवेदने दिली आहेत. तरी देखील महापालिकेने मोकाट कुत्र्यांसंदर्भात कोणतीही कारवाई न केल्याने आजची ही घटना घडली असून मोकाट कुत्र्यांचा बंदोबस्त लवकरात लवकर करावा अशी मागणी स्थानिक नगरसेवकांनी केली आहे.

मोकाट कुत्र्यांसंदर्भात तक्रारी देऊन देखील महापालिकेने दुर्लक्ष केल्याने आजची घटना घडली आहे. महापालिकेने लवकरात लवकर मोकाट कुत्र्यांचा बंदोबस्त करावा अन्यथा घडलेल्या घटनेला महापालिका व कुत्रे पकडणारी संस्था जबाबदार धरून या दोन्हीवर पोलीस स्टेशनमध्ये गुन्हा दाखल करणार असल्याचे नागरिकांनी म्हटले आहे.