उमेदवारी अर्ज दाखल करण्याआधीच, अजित पवार करणार या ८ उमेदवारांच्या प्रचाराचा शुभारंभ, आज नारळ फोडणार

गोविंद वाकडे, प्रतिनिधी, पिंपरी चिंचवड: पिंपरी चिंचवडचा बालेकिल्ला परत घेण्यासाठी राष्ट्रवादीचे अध्यक्ष अजित पवार सरसावले आहेत. भारतीय जनता पक्षाशी युती होणार नसल्याचे संकेत मिळाल्यानंतर त्यांनी शरद पवार यांच्या राष्ट्रवादीला सोबत घेण्याची चाचपणी केली. परंतु तुतारीनिष्ठ उमेदवारांनी घडाळ्यावर लढण्यास नकार दिल्यानंतर अजित पवार यांना एक पाऊल मागे यावे लागले. अजित पवार यांची राष्ट्रवादी कुणाशी आघाडी करणार, युती करणार? याची उत्सुकता कायम असताना रविवारी स्वत: अजित पवार पिंपरी चिंचवड दौऱ्यावर येऊन उमेदवारांच्या प्रचाराचा नारळ फोडणार आहे.