एकनाथ शिंदे यांचा भाचा राष्ट्रवादीत, अजितदादांचा दणका, शिंदेसेनेला धक्का, उमेदवारीही निश्चित

प्रणाली कापसे, प्रतिनिधी, मुंबई : महापालिका निवडणुकीचा अर्ज भरण्यासाठी अवघे ४८ तास शिल्लक राहिलेले असताना आयाराम गयारामांच्या कोलांटउडीचा वेगही वाढलेला आहे. एकनाथ शिंदे यांनी उद्धव ठाकरे यांना बरेच हादरे दिल्यानंतर खुद्द शिंदेंनाच तगडा झटका बसलाय. महायुतीतील मित्रपक्ष असलेल्या अजित पवार यांच्या राष्ट्रवादीने एकनाथ शिंदे यांचे भाचे आशिष माने यांना फोडून त्यांचा पक्ष प्रवेश घडवून आणलाय, विशेष म्हणजे त्यांच्या उमेदवारीवरही शिक्कामोर्तब केले आहे.