Trending:

Pune Sambhajinagar Expressway : सकाळचा चहा पुण्यात, ब्रेकफास्ट थेट संभाजीनगरात, कसा असणार हाय-स्पीड एक्सप्रेसवे?

Published by:Tanvi
local18

Last Updated:November 12, 2025 2:30 PM IST

पुणे ते छत्रपती संभाजीनगरचा प्रवास आता खूपच जलद होणार आहे. नवीन मार्गामुळे अंतर आणि वेळ दोन्ही कमी होणार आहेत.

इम्पॅक्ट शॉटतुमचा गेटवे लेटेस्ट न्यूज

पुणे : पुणे ते छत्रपती संभाजीनगर प्रवास आता खूप सोपा आणि जलद होणार आहे. कारण सध्या हा प्रवास 8 ते 10 तास घेतो, पण एमएसआयडीसीच्या महत्त्वाकांक्षी प्रकल्पामुळे हा फक्त 3 तासांत पूर्ण होईल. हा मार्ग फक्त प्रवाशांसाठीच नाही तर मालवाहतुकीसाठीही खूप महत्वाचा ठरणार आहे. या प्रकल्पामुळे पुणे–छत्रपती संभाजीनगर महामार्गावर आणि इतर मार्गांवरील वाहतूक कोंडीही कमी होईल.

पुणे–छत्रपती संभाजीनगर मार्गावरचा गेमचेंजर प्रकल्प

हा महामार्ग प्रकल्प तीन टप्प्यांत पूर्ण केला जाणार आहे. पहिला टप्पा सुरू झाला आहे, ज्यात पुणे–शिरूर उड्डाणपुलाचा समावेश आहे. या उड्डाणपुलामुळे पुणे–अहमदनगर मार्गावरील प्रचंड कोंडी कमी होईल आणि प्रवास अधिक आरामदायक होईल. दुसरा आणि तिसरा टप्पा नव्याने बनवण्यात येणाऱ्या ग्रीनफिल्ड महामार्गाशी संबंधित आहेत. शिरूर ते संभाजीनगर हा मार्ग सहा-पदरी असणार आहे आणि यात महत्त्वाच्या शहरांना, औद्योगिक क्षेत्रांना आणि MIDC झोनला जोडणारे बायपास मार्ग तयार केले जातील. यामुळे प्रवाशांचा प्रवास फक्त जलद होणार नाही तर मालवाहतुकीसाठीही हा मार्ग फायदेशीर ठरणार आहे.

दुसऱ्या टप्प्यासाठी निविदा प्रक्रिया सुरू झाली आहे आणि काम लवकरच सुरू होईल. संपूर्ण प्रकल्पाचा खर्च सुमारे 22 कोटींपर्यंत जाऊ शकतो. 2026 च्या सुरूवातीपासून प्रकल्पाचे काम मोठ्या प्रमाणावर सुरु होण्याची अपेक्षा आहे. हा महामार्ग मराठवाड्यासाठी गेमचेंजर ठरणार आहे, कारण यामुळे व्यापार, उद्योग, पर्यटन आणि गुंतवणूक वाढेल. बीड, औरंगाबाद आणि आसपासच्या जिल्ह्यांत नव्या उद्योगांना चालना मिळेल तसेच दुर्गम भागातील उद्योजकांचे लक्षही या क्षेत्राकडे वळेल.

दुसरा आणि तिसरा टप्पा सहा-पदरी ग्रीनफिल्ड महामार्गाचा मुख्य भाग आहे. या मार्गाचे डिझाइन आधुनिक आहे, यामुळे प्रवास जलद आणि सुरक्षित होईल, दळणवळण सुधारेल आणि पर्यटन, उद्योग अधिक मजबूत होईल. या प्रकल्पामुळे संभाजीनगरचा आर्थिक विकास वेगाने होईल आणि पुणे-मराठवाडा–विदर्भ या प्रदेशातील संपर्क अधिक चांगला होईल.

साधारण हा 10 तासांचा खडतर प्रवास आता फक्त 3 तासांत होणार आहे, जे मराठवाड्याच्या आर्थिक प्रगतीसाठी एक मोठे पाऊल ठरणार आहे. हा महामार्ग राज्यासाठी विकासाचा नवा मार्ग उघडणार आहे.

view comments

Location :