Trending:

मराठवाडा भाजपच्या हातून निसटला? शिंदे-ठाकरेंसह काँग्रेसची मुसंडी, संभाजीनगर, परभणी, धाराशिव लातूरमध्ये काय स्थिती?

Published by:Ravindra Mane

Last Updated:Feb 09, 2026 1:52 PM IST

Maharashtra ZP Election Live Result 2026: पहिल्या टप्प्यात मराठवाड्यातील छत्रपती संभाजीनगर, धाराशिव, लातूर आणि परभणी अशा चार जिल्हा परिषदेची निवडणूक पार पडली. पण या सर्वच ठिकाणी भाजप बॅकफुटला गेल्याचं दिसत आहे.

इम्पॅक्ट शॉटतुमचा गेटवे लेटेस्ट न्यूज

विधानसभेनंतर नगर परिषद, नगरपंचायत आणि महानगर पालिका निवडणुकीत भारतीय जनता पार्टीनं जोरदार मुसंडी मारली. प्रत्येक निवडणुकीत भाजपनं मोठं यश संपादन केलं. पण आता जिल्हा परिषद निवडणुकीत भाजपला काही ठिकाणी फटका बसताना दिसत आहे. पहिल्या टप्प्यात मराठवाड्यातील छत्रपती संभाजीनगर, धाराशिव, लातूर आणि परभणी अशा चार जिल्हा परिषदेची निवडणूक पार पडली. पण या सर्वच ठिकाणी भाजप बॅकफुटला गेल्याचं दिसत आहे.

छत्रपती संभाजीनगर महापालिकेत भाजपनं एकहाती वर्चस्व मिळवलं होतं. मात्र आता जिल्हा परिषदेत त्यांना फटका बसताना दिसत आहे. इथं शिंदे गटाने भाजपला धोबीपछाड दिला आहे. परभणीत ठाकरे गटानं वर्चस्व कायम राखलं आहे. लातूरमध्ये देखील तिच स्थिती आहे. तिथे काँग्रेसनं आपला डंका कायम ठेवला आहे. तर धाराशिवमध्ये देखील शिवसेना शिंदे भाजपला वरचढ ठरला आहे. आतापर्यंत समोर आलेल्या आकडेवारीनुसार, चारही जिल्हा परिषदेत भाजप दुसऱ्या क्रमांकावर आहे.