'या' एका गोष्टींमुळे स्लो होते कंप्यूटरची स्पीड! आजच करा दुरुस्त, होईल फायदाच फायदा

लॅपटॉप किंवा कंप्यूटर वापरणाऱ्या जास्तीत जास्त लोकांना आपलं डिव्हाइस स्लो झाल्याची तक्रार असते. पण हे का होतं याचं कारणच अनेकांना माहिती नसतं. आपण नवींन कंप्यूटर किंवा लॅपटॉप घेताच त्यामध्ये अँटीव्हायरस इंस्टॉल करता.

जास्तीत जास्त परिस्थितींमध्ये अँटीव्हायरस कामही करतं आणि डेटा चोरी आणि मालवेयर अटॅकपासून आपला बचाव करते. पण आता अँटीव्हायरस सुइटमध्ये VPN, पॅरेंटल कंट्रोल्स आणि ब्राउझर अ‍ॅड-ऑन्स सारख्या गोष्टी येऊ लागल्या आहेत, ज्या संगणकाच्या बहुतेक संसाधनांचा वापर करतात आणि अॅप्स आणि फाइल्स उघडण्यासाठी तुम्हाला जास्त वेळ लागतो.

अँटीव्हायरस सॉफ्टवेअर सिस्टमला स्लो करते : अँटीव्हायरस सॉफ्टवेअर स्वतःला सायलेंट प्रोटेक्टर म्हणून दाखवते आणि बॅकग्राउंडमध्ये काम करते, परंतु त्याचा परिणाम संपूर्ण सिस्टमवर जाणवतो. तुम्ही सिस्टमवर फाइल उघडता, डाउनलोड करता, कॉपी करता किंवा सुधारताच, अँटीव्हायरस ती स्कॅन करतो.

शेड्यूल्ड स्कॅनिंग देखील अशाच प्रकारे काम करते. यामुळे अनेकदा सिस्टमची गती कमी होते आणि कामे पूर्ण करण्यास जास्त वेळ लागतो. नियमित स्कॅन क्वचितच परफॉर्मेंसवर परिणाम करतात, परंतु पूर्ण स्कॅन कंप्यूटरच्या कामगिरीवर लक्षणीय परिणाम करतात. सामान्य वापरादरम्यान हे लक्षात येत नसले तरी, व्हिडिओ एडिटिंग, गेमिंग आणि इतर उच्च-स्तरीय कामे करताना ते खूप त्रासदायक ठरू शकते.

हे टाळण्यासाठी काय उपाय आहे? : अँटीव्हायरस सॉफ्टवेअरमुळे तुमची सिस्टम मंदावत असेल, तर ती अनइंस्टॉल करण्याव्यतिरिक्त आणखी एक मार्ग आहे. तुम्ही तुमच्या गरजांनुसार ती फाइन-ट्यून करू शकता, ज्यामुळे ती कमी रिसोर्सेसमध्ये काम करेल. याचा तुमच्या कंप्यूटर परफॉर्मेन्सवर परिणाम होणार नाही आणि तरीही ती प्रोटेक्शन प्रदान करेल.

तुम्हाला त्याचा पूर्णपणे त्रास होत असेल, तर तुम्ही ती अनइंस्टॉल करू शकता. काळजी करण्याची गरज नाही. मायक्रोसॉफ्ट डिफेंडर अँटीव्हायरस सॉफ्टवेअरशिवाय देखील पूर्ण प्रोटेक्शन प्रदान करते.