Toll Update: आजपासून टोल महागला! पुण्यातून बाहेर जाणाऱ्या या 3 महत्त्वाच्या महामार्गांवर दरवाढ; पाहा नवे दर

पुणे जिल्ह्यातून जाणाऱ्या तीन प्रमुख राष्ट्रीय महामार्गांवर ही दरवाढ लागू करण्यात आली आहे. हलक्या वाहनांसाठी नवीन टोल दरामध्ये काही रुपयांची वाढ करण्यात आली आहे. कार, जीप आणि हलक्या वाहनांपासून ते अवजड ट्रकपर्यंत सर्वांसाठीच टोलचे दर वाढले आहेत. सुधारित दरांनुसार, कार किंवा जीपसाठी आता एकेरी प्रवासाला ९५ रुपये तर परतीच्या प्रवासासाठी १३० रुपये मोजावे लागणार आहेत.

टोल नाक्यांवरील व्यवहार अधिक पारदर्शक आणि वेगवान करण्यासाठी 'कॅशलेस' पद्धत अनिवार्य करण्यात आली आहे. नियमांचे उल्लंघन करणाऱ्यांसाठी कडक दंडाची तरतूद आहे. फास्टॅग (FASTag) वैध नसेल तर वाहनचालकाला संबंधित टोलच्या दुप्पट रक्कम दंड म्हणून भरावी लागेल. तसंच जर तुम्ही फास्टॅगऐवजी यूपीआयद्वारे पेमेंट केले, तर एकूण टोलच्या सव्वापट रक्कम (१.२५ पट) आकारली जाईल. त्यामुळे प्रवासाला निघण्यापूर्वी तुमच्या फास्टॅगमध्ये पुरेसा बॅलन्स आहे का, याची खात्री करून घेणे आवश्यक आहे. अन्यथा, नवीन आर्थिक वर्षाच्या पहिल्याच दिवशी प्रवासाच्या आनंदापेक्षा दंडाचा मनस्तापच अधिक सहन करावा लागेल.