BMC Election: ठाकरे बंधूंना धाकधूक होती पण वंचित-काँग्रेसने काम सोपं केलं, त्या ३२ प्रभागात वारं फिरणार?

मुंबई : लोकसभा विधानसभेला जोरदार फटका दिलेल्या वंचितने पुन्हा तोच कित्ता गिरवू नये, यासाठी काँग्रेसने यंदा विशेष काळजी घेतली. मुंबई महानगर पालिका निवडणुकीसाठी काँग्रेसने तब्बल ६३ जागा वंचितला दिल्या. मात्र समोर आलेल्या माहितीनुसार, २२७ पैकी तब्बल ३२ प्रभागात वंचित-काँग्रेसचा उमेदवारच नसणार आहे. त्यामुळे ठाकरे बंधूंच्या उमेदवाराविरोधात थेटपणे सेना-भाजप युतीच्या उमेदवाराचे आव्हान असेल. तिसरा मजबूत पर्याय नसल्याने थेटपणे लढत होणार असल्याने मतविभाजन देखील टळेल, असे जाणकार सांगतात.