मुख्यमंत्र्यांसमोर मुंबई पालिकेत राडा, ५० खोकेची घोषणा, गदारोळातच महापौर-उपमहापौरांची निवड

मुंबई : बृहन्मुंबई महापालिकेच्या महापौर आणि उपमहापौरपदाची निवडणूक संपन्न झाली. तब्बल ४० वर्षांनंतर रितू तावडे यांच्या रूपाने भारतीय जनता पक्षाचा महापौर मुंबई नगरीत बसणार आहे. उपमहापौर म्हणून शिवसेनेचे संजय घाडी यांची निवड करण्यात आली. निवडणुकीची सगळी प्रक्रिया प्रचंड गदारोळातच पार पडली. मुंबई पालिकेतील महायुतीच्या सत्तारोहणाच्या कार्यक्रमाला मुख्यमंत्री देवेंद्र फडणवीस आणि उपमुख्यमंत्री एकनाथ शिंदे तसेच महायुती सरकारमधील मंत्री उपस्थित होते. त्यांच्यासमोर सत्ताधारी आणि विरोधी नगरसेवकांनी एकमेकांविरोधात प्रचंड घोषणा दिल्या.