Solapur: पुण्यातून आले आणि घरात घुसून तरुणाला मारलं, गोळी झाडली पण..., सोलापुरातील सिनेस्टाईल घटना

सोलापूर: सोलापूर जिल्ह्यातील बार्शी मधून एक धक्कादायक घटना समोर आली आहे.  जुन्या वादातून एका तरुणाला बेदम मारहाण करून गोळीबार करण्यात आला. पण, सुदैवाने निशाणा चुकल्यामुळे तरुण थोडक्यात बचावला. मारहाणीमध्ये जखमी झालेल्या तरुणाला रुग्णालयात दाखल करण्यात आलं. या घटनेमुळे परिसरात खळबळ उडााली आहे.

बाळासाहेब उकिरडे या तरुणाचं गावात जुना वाद होता.  बाळासाहेब उकिरडे आपल्या घरी झोपलेले होते.आज दुपारच्या सुमारास आरोपी योगेश मोरे आणि पुण्यातून आलेल्या तीन अनोळखी युवकांनी बाळासाहेब उकिरडे यांना गाठलं, त्यानंतर या तिन्ही तरुणांनी बाळासाहेब उकिरडे यांना जबर मारहाण केली. या टोळक्यातील एकाने आपल्या जवळील पिस्तुल काढली आणि उकिरड यांच्या  दिशेने गोळीबार केला.  मात्र निशाणा चुकल्याने बाळासाहेब उकिरडे यांना गोळी लागली नाही. गोळीबाराचा आवाज झाल्यानंतर तिन्ही हल्लेखोर घटनास्थळावरून फरार झाले. मात्र, या तरुणांच्या मारहाणीमध्ये उकिरडे जखमी झाले आहे.