Success Story : वडिलांचं निधन, आई कारखान्यात कामगार, लेकाने उभारली 1 कोटींची कंपनी! सोलापूरकर कुमारची यशोगाथा

कुमारने एम.कॉम.पर्यंत शिक्षण घेतले, पण नोकरीच्या कोणत्या दारानेही हाक मारली नाही. नातेवाईकांकडून 60 हजार रुपये उधार घेऊन बलून डेकोरेशनचा छोटासा व्यवसाय सुरू केला. पहिला इव्हेंट एक साधा वाढदिवस. हळूहळू नाव पसरले. कष्ट, प्रामाणिकपणा आणि जिद्द याने इव्हेंट मॅनेजमेंटमध्ये बस्तान जमले. अवघ्या दीड वर्षांत दोन कोटींची उलाढाल करून 25 लाखांचा नफा कुमारला मिळाला आहे. सोलापूरहून कर्नाटक, मुंबई, पुणे, हैदराबादपर्यंत इव्हेंट्स गाजवल्या. आज त्यांच्या कंपनीत 20 जणांना रोजगार मिळाला. 150 हून अधिक लग्न, वाढदिवस, समारंभ यशस्वी झाले.